Sipas raportit të fundit të “Airvisual” për vendet me ndotjen e ajrit në botë, Shkupi gjatë vitit 2018 ka qenë me ajër më të ndotur se sa viti 2017.

Raporti thotë se ndotja e ajrit në vitin 2019 do të shkaktojë rreth 7 milion vdekje të parakohshme dhe se ndryshimet klimatike dukshëm i përkeqësojnë efektet e ajrit të ndotur, përcjell Telegrafi Maqedoni.

Gjatë muajve të dimit, Shkupi shpesh herë ishte ne vendin e parë të qyteteve më të ndotura në botë dhe për këtë shkak edhe qeveria ndotjen e ajrit e futi në prioritet qeveritar.

Mesatarja për ndotjen e ajrit për vitin 2018 ka qenë 34 ndërsa për vitin 2017 ka qenë 32.5. Pas Shkupit, si qytete me ajër më të ndotura janë Tetova, Kumanova, Gostivari, Strumica dhe Manastiri./Telegrafi/