Shikuesit të çmendur pas serialit të ri të Schwarzenegger, por çfarë kuptimi ka titulli “Fubar”

Në Netflix ka nisur transmetimi i komedisë aksion, “Fubar”, me Arnold Schwarzenegger në rolin kryesor.

Nëpërmjet tetë episodeve tregohet ngjarja kur baba e bijë zbulojnë se e gjithë lidhja e tyre është ndërtuar mbi një gënjeshtër dhe se të dy janë operativë të CIA-s.

Lexo po ashtu Arnold Schwarzenegger viziton kampin e Aushvicit për të dhënë mesazh kundër urrejtjes

Babai dhe vajza në fund të fundit detyrohen të punojnë së bashku për të penguar një komplot armik, ndërkohë që merren me çështjet e tyre familjare dhe është e sigurt të thuhet se gjatë rrugës gjërat bëhen të çrregullta ose thënë më mirë – “FUBAR”.

https://youtu.be/f6A56zcGeWE

Çfarë do të thotë FUBAR?

FUBAR (“F**ked Up Beyond All Recognition”) është një akronim i krijuar në ushtri për të treguar një situatë që është aq jashtë kontrollit sa nuk mund të rregullohet.

Akronimi përshkruhet edhe si “Fouled Up Beyond All Recognition”, zhargon që është përdorur për të përshkruar një mision ose situatë që ishte ngatërruar plotësisht dhe në mënyrë të pakthyeshme, ose një ngjarje të kthyer në kaos total.

Siç përdorej në ushtri, FUBAR zakonisht iu referohej misioneve që përfundonin me vdekjen e ushtarëve. Besohet se termi është bërë i popullarizuar nga ushtarët amerikanë gjatë Luftës së Dytë Botërore.

Fjala FUBAR mendohet të jetë e ndikuar nga termi gjerman “furchtbar”, i cili përkthehet si “i tmerrshëm” dhe përdoret për të përshkruar një ndjenjë dëshpërimi të plotë ose pafuqie.

Në serialin e Netflixit, fjala ‘FUBAR’ thuhet vetëm një herë, në momentin e fundit të sezonit të parë, ndërsa duhet ta shikoni serialin për të kuptuar pse.

/Telegrafi/