Një burrë ka fituar epitetin e njeriut më me fat në botë pasi për pak centimetra i ka shpëtuar vdekjes, kur kulmi i një ndërtese u shemb për shkak të erërave të forta që frynin me 100 kilometra në orë, e sasia e madhe e tullave ra në trotuar pak centimetra larg tij.

Kamerat e sigurisë kanë filmuar momentin kur burri po ecte në trotuar në Hackney në pjesën lindore të Londrës, kur një sasi e madhe e tullave ranë në trotuar dhe krijoi një re pluhuri, transmeton Telegrafi.

Por, ky burrë fatlum për pak centimetra i shpëtoi më të keqes, pasi munguan pak sekonda që sasi e tullave të përfundonte mbi kokën e tij pasi në të njëjtën vend kishte kaluar ai.

Ndryshe Britania e Madhe është goditur nga moti i ligë, ku erërat e forta kanë prekur pjesën lindore të këtij vendi e sa të fuqishme janë erërat e dokumenton më së miri rasti i këtij burri. /Telegrafi/