Shtetet e Bashkuara të Amerikës kanë njoftuar se kanë filluar procesin e kthimit të trupave amerikane nga Siria.
“Koalicioni ka çliruar territorin e mbajtur nga Shteti Islamik, por fushata kundër kësaj organizate nuk ka përfunduar”, ka thënë zëdhënësja e Pentagonit, Dana White.
Në luftimet në Siri ishin përfshirë shumë ushtri botërore, si SHBA-të dhe Turqia, që luftonin ISIS-in dhe përkrahnin rebelët, Rusia dhe Irani që ishin dhe vazhdojnë të jenë aleatë të regjimit sirian.
Ndërsa brenda territorit mes vete luftonin trupat qeveritare, rebelët që konsiderohen krahu properëndimor dhe i ashtuquajturi Shteti Islamik.
Siç shkruan AlJazeera, përcjell Telegrafi, që nga marsi i vitit 2011, luftimet në Siri kanë vrarë rreth 465,000 njerëz, plagosur më shumë se një milion dhe kanë detyruar rreth 12 milionë njerëz – ose gjysmën e popullatës së paraluftës së vendit – të largohen nga shtëpitë e tyre.
Po sipas AlJazeera, forcat besnike ndaj qeverisë siriane kanë rimarrë bastione të mëdha rebele, si dhe pjesë të mëdha të territorit në jug të vendit në muajt e fundit.
Në këtë drejtim ky medium ka hedhur një vështrim rreth asaj se kush dhe çfarë kontrollon në Siri:
Ghouta Lindore: Një zonë në lindje të kryeqytetit Damask ishte në qendër të një ofensive të ashpër nga forcat e presidentit Bashar al-Assad në prill, duke rezultuar në më shumë se 1,000 vdekje, përfshirë vdekjen e 215 fëmijëve dhe 145 grave.
Më 12 prill, enklava e mbajtur nga rebelët u mor në tërësi nga ushtria siriane dhe patrullat e policisë ushtarake ruse, pasi të gjitha grupet e opozitës ranë dakord të evakuhen.
Në Sirinë veriore, trupat turke dhe rebelët aleatë sirianë janë vendosur në Afrin, një enklavë kurde, për t’u përballur me një grup të armatosur kurd të mbështetur nga SHBA-të. Forcat Aleate tani kanë marrë qytetin kryesor të Afrin.
Deraa: Qeveria siriane dhe aleati kryesor i saj Rusia rritën ofensivën e tyre dhe mundën rebelët që kontrolluan territorin në jugperëndim të Sirisë, duke marrë një varg fshatrash që gjenden në provincat jugore të Deraa dhe Quneitra ndërsa afrohen më pranë një zone të demilitarizuar të vitit 1974 me Izraelin.
Qyteti i Deraës ishte djepi i kryengritjes kundër Assadit mbi shtatë vjet më parë.
Një ofensivë qeveritare në fund të korrikut në jug-perëndim të Sirisë mori pjesën më të madhe të pjesës lindore të provincës Deraa nga rebelët, pas një bombardimi që Kombet e Bashkuara thanë se nxori 160,000 njerëz nga shtëpitë e tyre.
Idlib: Ndërsa forcat qeveritare siriane përfundojnë ofensivën e tyre në Sirinë jugperëndimore, vëmendja është zhvendosur në provincën veriperëndimore të Idlibit, bastioni i fundit i mbetur rebel.
Sulmet ajrore kanë goditur zonat në provincën e fundit të kryeqytetit sirian të Idlibit, duke vrarë disa civilë dhe duke ngritur shqetësime të mëtejshme se një ofensivë qeveritare është vetëm një çështje kohe.
Një ofensivë ushtarake në shkallë të gjerë do të ishte shkatërruese për gati tre milionë njerëz që jetojnë në krahinë, duke përfshirë shumë rebelë dhe civilë, të cilët u bartën jashtë zonave të tjera kur u kthyen nën kontrollin e qeverisë.
Ka rreth 70,000 luftëtarë rebelë në dhe rreth krahinës. Idlibi është strategjikisht i rëndësishëm pasi në njërën anë ndan një kufi me krahinën e Latakisë, shtëpi e bazës ajrore më të madhe ruse në Siri dhe në anën tjetër ajo kufizon Turqinë.
Autostrada strategjike M5 – rruga kryesore e aksesit në veri – po ashtu kalon nëpër Idlib.
Kush janë lojtarët kryesorë:
Qeveria siriane
Qytetet kryesore nën kontrollin e qeverisë janë: Damasku, Homs, Hama, Aleppo, Latakia, Tartus, Palmyra, Albu Kamal.
Ushtria për Lirinë e Sirisë (FSA)
Ushtria për Lirinë e Sirisë është një konglomerat i lirshëm i brigadave të armatosura të formuara në vitin 2011 nga disfatat nga ushtria siriane dhe civilët që synojnë të rrëzojnë presidentin Bashar al-Assad.
Që nga beteja e Aleppos, FSA ka ruajtur kontrollin e zonave të kufizuara në Sirinë veriperëndimore.
Zona kryesore që kontrollon është: provinca Idlib.
Kontrolli kurd
Qytetet kryesore nën kontrollin kurd janë: Raqqa, Qamishli, Hasakah.
Kontrolli i ISIL
Pas betejës për Raqqa, Shteti Islamik i Irakut dhe Levantit (ISIL, gjithashtu i njohur si ISIS) mbetet në kontroll të një zone afër Albu Kamalit, e rrethuar nga forcat qeveritare perëndimore dhe forcat kurde në lindje.
Grupe të tjera
Grupet e tjera që luftojnë në Siri përfshijnë Jabhat Fateh al-Sham, Hezbollahun e mbështetur nga Irani dhe Forcat Demokratike të Sirisë (SDF) të dominuara nga Njësitë Mbrojtëse të Popullit Kurd (YPG). /Telegrafi/
Lufta Prigozhin - Putin
Më shumëNga Rubrika
Rusia nuk ka ‘interes’ të sulmojë shtetet e NATO-s, thotë kreu i ushtrisë së Putinit
Zbulohen detaje dhe pamje të vjedhjes nga grupi kriminal serb “Pink Panther” në një argjendari në Greqi – bie në sy një detaj
Dubai raporton një “sëmundje misterioze” të lidhur me përmbytjet e rënda që goditën rajonin
Komiteti parlamentar zviceran mbështet planin e ndihmës prej 5.5 miliardë dollarësh për Ukrainën
Trump 2.0: Si po përgatiten aleatët e SHBA-së për një rikthim të tij në Shtëpinë e Bardhë?
Pak para se të lansonte raketat mbi pozicionet e ukrainasve, sistemi raketor rus Buk-M1 shkatërrohet – goditet direkt
Mbretëria e Bashkuar do ta furnizojë Ukrainën me bomba me laser që mund të godasin "objektivat e buta" ruse
SHBA po përgatit një paketë të re ndihme ushtarake prej 6 miliardë dollarësh për Ukrainën
Aeroplani gjigant u “përplas” dy herë në pistën e aeroportit të Kalifornisë – rrotat nxirrnin tym – pastaj u ngrit përsëri
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre