Presidenti i Shqipërisë, Ilir Meta e ka quajtur lirinë fetare me rëndësi thelbësore për paqen dhe stabilitetin. Në këtë kuadër Shqipëria është shprehur pro nismës amerikane për Aleancën Ndërkombëtare të Lirisë Fetare.
Në Tiranë po zhvillohet konferenca ndërkombëtare dyditore “Feja si instrument paqeje”, e organizuar nga Departamenti Amerikan i Shtetit (DASH) dhe Presidenca e Shqipërisë. Zhvillimi i saj në Tiranë nuk është rastësi, ajo lidhet me harmoninë dhe bashkëjetesën fetare në Shqipëri, që mbetet një model për rajonin dhe përtej tij, realitet i vlerësuar lart edhe nga Papa Franҫesku gjatë vizitës së tij në Tiranë, në vitin 2014.
Ambasadori Amerikan për Liritë Fetare në botë, Sam Brownback, përfaqësues i DASH në këtë konferencë foli për nevojën që ka Ballkani për bashkëpunim mes politikanëve dhe përfaqësuesve të komuniteteve fetare. Nga kjo konferencë ai u bëri thirrje për dialog mes politikës dhe fesë pjesëmarrësve nga Kosova, Maqedonia Veriore, Mali i Zi, Bosnjë-Hergevonia dhe Serbia.
“Inkurajoj dhe shpresoj të ketë më shumë dialog dhe ndërveprim midis përfaqësuesve të politikës dhe përfaqësuesve fetarë. Politika është larg fesë dhe kështu mund të ndërtojmë një shoqëri të qëndrueshme, duke e përdorur fenë si një mjet për paqen. Kështu mund të ngrihet një dialog kuptimplotë”, theksoi ambasadori Sam Brownback.
Ai solli në vëmendje se Ballkanit i duhet bashkëpunimi mes përfaqësuesve të feve të ndryshme.
“Ballkani ka nevojë që përfaqësuesit e fesë të bashkohen. Në këtë rajon shpirti, falja dhe pajtimi do të bëhet një model kryesor për botën. Inkurajoj edhe presidentët që janë këtu të bashkohen dhe ngrejnë marrëdhënie me faktorë të tjerë me ndikim në rajon, dhe për të kombinuar zërat e tyre në shërbim të një jete paqësore dhe të mbrojtur”, tha ambasadori Brownback.
Ai theksoi se feja mund të përdoret me sukses si një instrument për paqen, në mënyrë që njerëzit të respektojnë dhe të kujdesen për njëri-tjetrin. Dhe në këtë vizion rol të rëndësishëm pritet të luajë krijimi i Aleancës Ndërkombëtare për Lirinë Fetare, një nismë amerikane që ambasadori Brownback e ka quajtur më herët “nismën e re më të rëndësishme të një gjenerate për të drejtat e njeriut që do të mundësojë rënien e perdes së hekurt të persekutimit fetar”.
Shqipëria pro Aleancës Ndërkombëtare të Lirisë Fetare
Presidenti Ilir Meta deklaroi në këtë konferencë se Shqipëria mbështet nismën amerikane.
“Shqipëria përshëndet dhe mbështet nismën e SHBA-ve dhe planet e sekretarit amerikan të shtetit Pompeo për krijimin e aleancës ndërkombëtare të lirisë fetare, një aleancë e kombeve me të njëjtën mendje, të përkushtuar për të luftuar persekutimin fetar në të gjithë botën,” tha Presidenti Meta.
Ai solli në vëmendje faktin që të gjitha vendet e Ballkanit i ” janë bashkuar koalicionit global kundër terrorizmit” dhe vuri në dukje nevojën „për stabilitet politik në rajon dhe secilin nga vendet e tij për t’u krijuar siguri popujve lidhur me zhvillimin e ekonomive dhe mos lejuar shfaqjen e ekstremizmit fetar, diplomacinë e butë nga faktorët e tretë dhe ndikimin e huaj negativ”.
Kundër ҫdo forme fondamentalizmi dhe ekstremizmi
Kërcënimi për ekstremizëm dhe radikalizim fetar të rinisë së Ballkanit është real. Për ta shmangur atë një rol kyҫ luajnë liderët e komuniteteve fetare. Presidenti Meta u bëri atyre thirrje të „edukojnë të rinjtë dhe të rejat me vlerat e familjes dhe të forcimit të saj, për t’i mbrojtur nga droga, nga lojërat e fatit dhe veset e tjera. Pë të edukuar një rini të shëndetshme, tolerante që me aftësitë dhe talentin e saj t’i shërbejë shoqërisë ҫdo ditë dhe të jetë shpresa për të ardhmen”.
Ai tha se Shqipëria është „kundër ҫdo forme fondamentalizmi, ekstremizmi, terrorizmi ideologjik apo dogmatik” dhe e vlerësoi lirinë fetare si „thelbësore për paqen dhe stabilitetin brenda dhe midis kombeve”. /DW/
Promo
Reklamo këtuLufta Prigozhin - Putin
Më shumëNga Rubrika
SHBA do të dërgojë ndihma të reja menjëherë në Ukrainë, thotë Biden – madje që në orët e ardhshme
Presidenti kinez shkon në Beograd te aleati i tij Vuçiq në 25-vjetorin e bombardimit të ambasadës kineze nga NATO
Rusia kërkon të prishë Samitin e Paqes, thotë Zelensky
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
SHBA dërgoi fshehurazi raketa me rreze të gjatë në Ukrainë?
Presidenti kinez shkon në Beograd te aleati i tij Vuçiq në 25-vjetorin e bombardimit të ambasadës kineze nga NATO
SHBA do të dërgojë ndihma të reja menjëherë në Ukrainë, thotë Biden – madje që në orët e ardhshme
Rusia kërkon të prishë Samitin e Paqes, thotë Zelensky
Ushtari rus filmon momentin kur sistemi artilerik i Kremlinit hidhet në erë në Ukrainë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
A u vodh Barcelona në El Clasico? Cafu deklarohet shkurt dhe qartë
Dëshmitarja që pa vrasjen e gazetares britanike në vitin 1999, pretendon se pas këtij akti qëndron serbi i njohur si Legia
"Ish-gjyqtari më i pasur në botë", është pronari i dy super bizneseve dhe ka pasuri neto më shumë se Mike Tyson
Gazetari britanik tregon nëse mund të ketë luftë në Kosovë dhe Bosnjë
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
"O Bes Kallaku", reagimi epik i Xhensilës kur fansat i përmendin ish-partnerin në koncert