Shaqiri: Në dhjetë ditët e ardhshme do të konfirmohet data e fillimit të vitit shkollor në RMV

Për rreth dhjetë ditë pritet që të kemi një opinion përfundimtar për datën se kur do të fillojë viti i ri shkollor në shtator, pra cili nga tre propozimet që ka Ministria e Arsimit është i pranueshëm, njoftoi sot ministri i Arsimit, Jeton Shaqiri, përcjell Telegrafi Maqedoni.

Propozimet e bëra nga Ministria e Arsimit dhe Kulturës janë që viti i ri shkollor 2023-2024 të fillojë më 11 shtator dhe të përfundojë në fund të qershorit. Propozimi i dytë është që të mbahet data e zakonshme e fillimit të 1 shtatorit dhe të ketë një pushim të shkurtër pranveror gjatë vitit shkollor. Propozimi i tretë është që viti shkollor të fillojë më 1 shtator dhe të përfundojë si më parë më 10 qershor.

Sipas Shaqirit, tri propozimet për fillimin e vitit shkollor do të sqarohen javën e ardhshme para Komisionit për Burime Njerëzore, ku do të diskutohen temat e arsimit.

“Ne si Ministri e Arsimit dhe Shkencës (MASH), për të tre propozimet, mblodhëm të gjitha opinionet, duke filluar nga nxënësit, prindërit, mësuesit dhe sindikatat. Javën e ardhshme, në Komisionin e Burimeve Njerëzore, ku diskutohen temat e arsimit, unë si ministër do të paraqes të tre propozimet.

Në të njëjtin komision do të përfshihet edhe Unioni i Gjimnazistëve, si dhe sindikatat për të dhënë opinionin e tyre për pjesën e fillimit të vitit shkollor dhe mendoj se për 10 ditë do të kemi një opinion përfundimtar për cili nga propozimet do të pranohet”, thotë Shaqiri./Telegrafi/