Seria Vivo S10 do të zbulohet më 15 korrik, do të ketë dy modele të reja

Telefonat e ardhshëm të Vivo do të prezantohen zyrtarisht në 15 korrik, konfirmoi kohët e fundit kompania kineze.

Seria S10 duket se përbëhet nga dy telefona – S10 dhe S10 Pro, të dy pritet të dalin në raftet në Kinë këtë muaj.

Si pjesë e fushatës së marketingut të serive S10, Vivo publikoi disa fotografi në Weibo që tregojnë S10 Pro, më i përparuari nga të dy.

Dihet pak për seritë S10 të Vivo, por ajo që dimë tingëllon mjaft mbresëlënëse.

S10 Pro thuhet se ka një kamerë të trefishtë 108 megapiksel dhe jo një, por dy kamera të përparme (sensori 44 megapiksel). Ndërkohë, modeli i rregullt S10 do të mundësohet nga procesori i ri Dimensity 1100 i MediaTek, i shoqëruar me RAM 8 GB ose 12 GB.

Ashtu si modeli S10 Pro, S10 do të paketojë një kamerë kryesore 108 megapiksel, si dhe mbështetje për karikimin 44W dhe NFC (Near Field Communication). Gjithashtu, Vivo S10 thuhet se do të ketë një ekran AMOLED FHD + 6.44 inç dhe do të ekzekutojë OriginOS 1.0, i cili bazohet në Android 11. /Telegrafi/