Serena Williams acarohet me ‘New York Times’ pasi në artikullin e gazetës publikuan fotografinë e motrës së saj

Serena Williams pati një mosmarrëveshje me gazetën ‘New York Times’ pas një gabimi të turpshëm të bërë në një artikull rreth kapitalit të saj të ri sipërmarrës.

‘The Times’ botoi një shkrim për tenistem Williams, 40 vjeçe, duke mbledhur 111 milionë dollarë për sipërmarrjen e re ‘Serena Ventures’, një firmë e kapitalit sipërmarrës e krijuar nga legjenda e tenisit që do të “investojë në themelues me këndvështrime të ndryshme”.

Fatkeqësisht, siç vuri në dukje vetë Williams, gazeta e shtypur përdori një fotografi të motrës më të madhe të Williams, Venusit, për të ilustruar historinë, shkruan DailyMail.

Serena shkoi në Twitter për të shprehur inatin e saj në lidhje me gabimin.

“Pavarësisht se sa larg shkojmë, na kujtohet se nuk mjafton”, ka shkruar ajo. “Kjo është arsyeja pse unë mblodha 111 milion dollarë për ‘Serena Ventures’. Për të mbështetur themeluesit të cilët janë anashkaluar nga sistemet e rrënjosura, mjerisht, të pavetëdijshëm për paragjykimet e tyre. Sepse edhe unë jam anashkaluar. Mund të bësh më mirë, New York Times”.

Gazeta ‘The Times’ iu përgjigj Williams pak më vonë në një postim në Twitter duke shpjeguar se si ndodhi gabimi.

“Ky ishte gabimi ynë”, shkroi llogaria në Twitter e seksionit të biznesit të ‘The Times’. “Ishte për shkak të një gabimi gjatë përzgjedhjes së fotove për edicionin e printuar dhe nuk u shfaq në internet. Një korrigjim do të shfaqet në gazetën e nesërme”.

Williams ende nuk i është përgjigjur kërkim-faljes.

Serena dhe Venus, 41 vjeçe, shpesh janë çiftuar së bashku dhe kanë luajtur dyshe në turne të mëdha, por Serena e ka çuar veten në nivelin që të njihet si një nga tenistet më të mëdha të të gjitha kohërave.

Williams ka 23 tituj ‘Grand Slam’, më së shumti nga çdo femër tjetër, dhe është e vetmja teniste, mashkull apo femër, që fiton tri nga katër ‘Grand Slamet’ tradicionale të paktën gjashtë herë.

Venus, nga ana e saj, ka fituar ‘Wimbledon’ pesë herë dhe ‘US Open’ dy herë.

Si ekip në dyshe, motrat Williams kanë fituar 13 tituj dhe tri medalje të arta olimpike.

‘Serena Ventures’, sipërmarrje e lansuar në fillim të këtij viti, tha se qëllimi i saj është të “investohet në themeluesit që zgjidhin problemet e përditshme përmes të menduarit jokonvencional dhe këndvështrimeve të ndryshme. Shkrimi i çekut është vetëm fillimi. Si investitorë të Serisë A, ata e shquajnë veten si bashkëpunëtorë të vërtetë”.

Firma gjithashtu krenohet me një ‘rrjet të pashembullt të partnerëve në shpërndarjen, marketingun dhe shitjet, kjo është arsyeja pse themeluesit vazhdojnë t’i zgjedhin’.

Williams i tha ‘New York Times’ se ajo ishte e interesuar të hidhej në këtë hapësirë prej disa kohësh dhe se ishte pjesë e mënyrës se si ajo krijoi një marrëdhënie me bashkëshortin e saj të mundshëm, bashkëthemeluesin e Reddit, Alexis Ohanion.

“Kur takova burrin tim, kjo ishte biseda jonë e parë. Kështu u njohëm. E kisha fjalën për investime”, tha tenistja. /Telegrafi/