Sektori izraelit i teknologjisë pritet të forcojë “sigurinë” pasi mund të përballet me pengesa pas sulmeve – thonë investitorët
Kompanitë teknologjike që operojnë në Izrael pritet të forcojnë “sigurinë” pasi mund të përballen me pengesa, thanë investitorët dhe analistët, pasi persona të armatosur të Hamasit nga Gaza vranë qindra izraelitë dhe rrëmbyen të tjerë.
Industritë e teknologjisë së lartë, për dekada kanë qenë sektori me rritjen më të shpejtë në Izrael dhe gjithashtu ishin kyç në rritjen e ekonimisë, duke zënë 14 përqindëshin e forcës punëtore dhe pothuajse një të pestën e prodhimit të brendshëm bruto.
Çmimet izraelite të aksioneve dhe obligimeve ranë dhe të dielën shumë biznese u mbyllën, pasi persona të armatosur nga grupi palestinez i Hamas-it sulmuan qytetet izraelite të shtunën dhe militantët gjithashtu hodhën mijëra raketa në një sulm të befasishëm, përcjell Telegrafi.
Disa raketa arritën edhe Tel Aviv-in, duke bërë që kompanitë ajrore të pezullojnë fluturimet drejt dhe nga Izraeli.
Izraeli u kundërpërgjigj me sulme ajrore ndaj objektivave të Hamasit në Gaza dhe qindra njerëz kanë vdekur.
“Është një pengesë e madhe për biznesin si zakonisht”, tha Jack Ablin, shef i investimeve dhe partner themelues në Cresset Wealth Advisors.
Ai shtoi se burimet afatshkurtër mund të devijohen nëse konflikti zgjerohet, siç është thirrja e stafit të kompanive të teknologjisë si rezervistë ushtarakë.
Quincy Krosby, kryestrategu global në LPL Financial në Charlotte të Karolinës së Veriut, deklaroi se ka të ngjarë që të ketë një “përpjekje të jashtëzakonshme” që instalimet fizike për kompanitë me bazë në Izrael të mbrohen nga sulmet për shkak se disa nga shpenzimet në teknologji lidhen me ushtrinë.
Një zëdhënës i prodhuesit të çipave Intel Corp, punëdhënësi dhe eskporutesi më i madh privat i Izraelit, të dielën bëri me dije se kompania ishte “duke monitoruar së afërmi situatën në Izarel dhe se po ndërmerrte hapa për të mbrojtur dhe mbështetur punëtorët tonë”.
Tutje zëdhënësi mohoi që të fliste mbi atë se nëse prodhimi i çipave ishte ndikuar nga situata.
Nvidia, prodhuesi më i madh në botë i çipave të përdorur për inteligjencën artificiale dhe grafikave të kompjuterit, tha se e kishte anuluar samitin e Inteligjencës Artificiale që e kishte planifikuar ta mbante në Tel Aviv gjatviv gjatë javës së ardhshme, ku pritej që të fliste edhe Jensen Huang, drejtori i saj ekzekutiv.
Tower Semiconductor me bazë në Izrael, i cili u ofron klientëve gjysmëpërçues analog dhe me sinjal të përzier, kryesisht për industrinë e veturave dhe të konsumit, tha se po funksiononte si zakonisht.
Reuters shkruan se gjigantët e tjerë të teknologjisë si Meta Platforms, Alphabet dhe Apple nuk u ishin përgjigjur kërkesave për koment, ndërsa Microsoft nuk ka pranuar fare që të përgjigjet.
Sektori izraelit i teknologjisë veçse ishte përballur me pengesa në vitin 2023, i përkeqësuar nga konfliktet e brendshme politike dhe protestat. Një numër në rritje i startup-eve të teknologjisë izraelite janë inkorporuar në Shtetet e Bashkuara. /Telegrafi/
Promo
Reklamo këtuLufta Prigozhin - Putin
Më shumëPublikohen imazhe të cilat pretendohet se shfaqin modelin iPhone 16 të Apple
Kurse falas të AI, ato ofrohen nga Harvard, Google – Microsoft e shumë kompania tjera
Netflix ka përgatitur një tjetër surprizë të ‘pakëndshme’
Elon Musk thotë se “ka një arsye” pse ai zgjodhi datën 8 gusht, si ditën e lansimit të robotaksit Tesla
Tregu i PC-ve në SHBA kishte tremujorin më të mirë në 10 vitet e fundit, thotë Gartner
Zhvillohet gara e parë midis një aeroplani luftarak me pilot njerëzor dhe një tjetri të kontrolluar nga Al
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe