Sekretari Amerikan i Shtetit do të nënshkruajë marrëveshje paqeje me talibanët, derisa Trump thotë se kjo i hapë rrugë mijëra trupave ta lëshojnë Afganistanin

Presidenti Donald Trump ka thënë se do të dërgojë Sekretarin e Shtetit, Mike Pompeo për të nënshkruar marrëveshje paqeje me talibanët në Afganistan, me qëllim fillimin e tërheqjes së mijëra trupave amerikane dhe përfundimin e përfshirjes 18-vjeçare të Shteteve të Bashkuara në luftë.

Trump tha se Pompeo, nën drejtimin e tij, do të dëshmojë nënshkrimin e një marrëveshje me talebanët, një ngjarje që do të shohë diplomatin më të lartë amerikan me drejtuesit e militantëve, të cilët strehuan al-Kaedën para sulmeve të 11 shtatorit dhe janë përgjegjës për mijëra grave dhe burrave, transmeton Telegrafi.

Ai tha se Sekretari i Mbrojtjes Mark Esper, gjithashtu do të lëshojë një deklaratë të përbashkët me qeverinë e Afganistanit. Megjithëse Trump nuk ka thënë se kur do të nënshkruhet kjo marrëveshje, ka mundësi që të nënshkruhet sot në Doha të Katarit.

Nënshkrimi vjen pas një jave, në të cilën të dy forcat e drejtuara nga SHBA-të dhe Afganistani u angazhuan për ulje të dhunës. Sipas planit që pritet të zyrtarizohet, SHBA-të do të zvogëlojnë numrin e trupave në Afganistan në 8,600 nga rreth 13,000 sa janë aktualisht.

Pjesa më e madhe e planit mbetet e paqartë, përveç se thuhet që trupat amerikane do të tërhiqen dhe se talibanët duhet të premtojnë se nuk do t’i lejojnë ekstremistët të zonën si hapësirë inskenues për të sulmuar SHBA-në ose aleatët e tij. /Telegrafi/