Ish-deputeti i Kuvendit të Kosovës, Korab Sejdiu është deklaruar për zgjedhjet e parakohshme parlamentare që do të mbahen më 14 shkurt.
Sejdiu në një deklaratë të dhënë për Telegrafin, ka thënë se qytetarët kanë dy opsione, atë që kanë bashkëjetuar për mbi dy dekada dhe një frymë të re qeverisjeje.
“Kur flasim për zgjedhjet e 14 shkurtit, besoj që është krijuar një kuptim në elektorat se vendimi do të jetë në mes të asaj me të cilën veç kemi bashkëjetuar për mbi dy dekada, në njërën anë, dhe një alternative tjetër që paraqet një frymë të re qeverisëse, në anën tjetër. Dhe baza elektorale shihet se është e polarizuar në këtë kontekst”, ka thënë Sejdiu.
Duke komentuar zgjedhjet e 14 shkurtit, Sejdiu thotë se lista e Vetëvendosjes dhe ajo e Vjosa Osmanit, kanë një avantazh më të theksuar krahasuar me partitë tjera.
“Natyrisht, nga kontaktet që kemi me qytetarë dhe votues, por edhe nga vlerësimet kredibile të disponimit të votueseve, shihet qartë se fronti i krijuar nga LVV dhe Lista e Vjosa Osmani-Sadriut ka avantazh të theksuar, në krahasim me partitë e tjera, veçanërisht kur konsiderojmë edhe mbështetjen nga diaspora”, thotë më tej ai.
Sipas Sejdiut, LVV dhe lista e Vjosa Osmanit kanë edhe një avantazh tjetër, pasi që udhëhiqen nga dy liderët të nivelit kombëtar.
“Duhet potencuar po ashtu se LVV – Lista e Vjosës kanë edhe një avantazh tjetër krahasues, sepse përderisa lista e LVV udhëhiqet nga dy liderë të nivelit kombëtar, Albin Kurti dhe Vjosa Osmani-Sadriu, listat e subjekteve të tjera kryesore si LDK dhe PDK, nuk udhëhiqen nga liderët përkatës partiakë, dhe kjo mangësi po shihet qartë edhe në fushatën elektorale. Thënë atë, pyetja këtu nuk është se kush do t’i fitojë zgjedhjet, por më mirë duhet pyetur se me çfarë dallimi do t’i fitojë zgjedhjet Lista LVV, e prirë nga z. Albin Kurti dhe znj. Vjosa Osmani-Sadriu, dhe a do të arrijë ky front politik të krijojë qeverinë e ardhshme si e vetme, pa pasur nevojë për formim koalicioni me ndonjë parti tjetër”, deklaroi ai.
Theksojmë se Komisioni Qendror i Zgjedhjeve (KQZ), ditë më parë ka certifikuar listën përfundimtare të votuesve për zgjedhjet e 14 shkurtit. KQZ ka njoftuar se në zgjedhjet e 14 shkurtit të drejtë vote kanë 1,794,862 qytetarë.
Në këto zgjedhje janë 143.006 votues më pak sesa në zgjedhjet e 6 tetorit 2019. Kjo ka ndodhur pasi që është bërë pastrimi i listave nga personat e vdekur dhe nga ata me dokumente të UNMIK-ut.
Në listë janë mbi 102 mijë votues nga diaspora, që janë verifikuar gjatë ditëve të kaluara, votimi nga diaspora ka filluar më datën 2 shkurt dhe do të zgjasë deri më 12. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Dita e Lirisë së Shtypit, Rama: Duhen veprime të mëtejshme për të përmirësuar mjedisin mediatik
Osmani: Liria e shtypit thelbësore për demokracinë – beteja kundër lajmeve të rreme dhe dezinformatave nuk ka qenë kurrë më urgjente
Bastisje në Kërçovë, arrestohen dy dilerë
Dënohet me 24 vjet burgim prizrenasi, e kishte dhunuar seksualisht një vajzë nën moshën 14-vjeçare
Mediat në Ballkan, politika, ndikimi dhe sulmet ndaj gazetarëve “Reporterët Pa Kufij” japin alarmin e shqetësimin
Dhoma e Tregtisë dhe Industrisë kërkon ndryshime urgjente në kalendarin e festave zyrtare - të mos pushohet në ditët e javës kur festat bien në vikend
Rama: Spitali i Kryeqytetit po bëhet, shumë shpejt projekti do të tenderohet
Gjilan, një person refuzon të ndalet para policisë - polici përmes xhamit ia merr çelësat dhe fikë veturën e tij
Mexhiti, Ahmetit: A është e vërtetë se keni bërë thirrje për bojkot të zgjedhjeve presidenciale
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe