Sateliti i vjetër i NASA-s do të bie në Tokë në orët e para të së enjtes, cilat janë gjasat që mund të godasë dikë?

Një satelit i vjetër i NASA-s pritet të bjerë në Tokë këtë javë, por ekspertët që gjurmojnë anijen kozmike thonë se shanset janë të vogla që të përbëjë ndonjë rrezik.

Sateliti shkencor i zhdukur me emrin Rhessi do të bjerë në atmosferë të mërkurën mbrëma (orët e para të së enjtes, me kohën në Kosovë), sipas NASA-s dhe Departamentit të Mbrojtjes.

NASA tha të martën se nuk dihet se prej nga ku do të hyjë, dhe nuk dihet se kur dhe ku mund të bjerë.

Një pjesë e madhe e satelitit 272 kilogramësh mund të digjet pasi të hyjë, por disa prej tyre pritet të bien në Tokë.

Agjencia hapësinore tha në një deklaratë se rreziku që dikush në Tokë të goditet nga rënia e pjesëve satelitore është “i ulët” – rreth 1 në 2,467.

Rhessi u dërgua në orbitë në vitin 2002 për të studiuar diellin.

Përpara se të mbyllej në vitin 2018 për shkak të problemeve të komunikimit, sateliti vëzhgoi ndezje diellore si dhe nxjerrje masive koronale nga dielli. Satelitit kapi imazhe në rrezet X me energji të lartë dhe rrezet gama, duke regjistruar më shumë se 100,000 ngjarje diellore. /Telegrafi/