Sante Plus: Mangësitë e konstatuara janë të natyrës administrative – kontabiliste

Pasi Inspektoriati Shtetëror Sanitar dhe Shëndetësor morri vendim për mbylljen e SHPSH ‘Sante Plus’, nga spitali privat reaguan me deklaratë me shkrim.

Nga ‘Sante Plus’, për Alsat thonë se mangësitë e konstatuara janë të natyrës administrative-kontabiliste dhe të njejtat janë tejkaluar që nga dita e sotme.

“Me këtë rast ne duam ta shprehim shqetësimin tonë në lidhje me publikimet tendencioze nga ana e Inspektoriatit Shtetëror Sanitar dhe Shëndetësor. Vlerësojmë se publikimi për mbylljen e spitalit tonë për shkak të mangësive të konstatuara, por të mos të përmendet natyra administrative-kontabiliste e tyre, është dhënë me qëllimin e vetëm, të dëmtohet reputacioni ynë dhe të krijohet përshtypje se janë konstatuar mangësi të natyrës mjekësore, gjë që është plotësisht e pasaktë. Në rastin e pacientes D.Q.XH. komisioni i Ministrisë së Shëndetësisë ka konstatuar se i tërë intervenimi është kryer në pajtim me protokolet mjekësore aktuale nga stafi profesionist i spitalit tonë”, thuhet në kumtesën e ‘Sante Plus’./Telegrafi/