Zyrtari i LDK-së, Sadri Ferati thotë se kjo parti ka vite që është në rënie.

“Prej vitesh LDK nuk është e pranueshme nga qytetarët…Prej vitit 2010, LDK qëndron në kuotat prej 24.5-25%. Kjo tregon se partia ka pasur një stagnim”, tha ai në “Debat Plus”.

Ferati thotë se LDK ka mjaft kandidatë kualitativë, përfshirë edhe ata që janë në garë për kryetar të partisë.

“Zgjedhja e kryetarit dhe kryesisë është vetëm fillimi i reformave në LDK. Reformat duhet të vazhdojnë shumë më thellë”.

Zyrtari i LDK-së thotë se në këtë parti duhet të ketë drejtësi për ata që janë lënduar nga proceset e kaluara zgjedhore.

Reklama

Ferati thotë se të dielën çdokujt që ka ambicie duhet t’i mundësohet kandidimi për kryetar të partisë.

Reklama

“Vota e fshehtë le ta vendos kush do të jetë kryetarë i LDK-së”, tha Ferati./Telegrafi/