LAJMI I FUNDIT:

Rusia në prag të falimentimit financiar teksa afrohet afati i pagesës së borxhit

Rusia në prag të falimentimit financiar teksa afrohet afati i pagesës së borxhit

Rusia është në prag të falimentimit historik financiar, nga viti 1998, që lidhet me borxhin, pasi afati i së dielës për ta bërë pagesën në vlerë prej 100 milionë dollarësh, duket se do të skadojë.

Edhe pse thuhet se ka para për ta bërë një gjë të tillë, kjo është e pamundur ngase sanksionet kanë bërë që të mos pranohen pagesat nga kreditorët ndërkombëtarë.

Kremlini ka hyrë pashmangshëm në një rrugë për të falimentuar që kur sanksionet ekonomike u vendosën për herë të parë nga Shtetet e Bashkuara të Amerikës dhe Bashkimi Evropian, pas agresionit ushtarak rus në Ukrainë.

Këto sanksione kufizuan qasjen e vendit në rrjetin bankar ndërkombëtar, e cila përpunon pagesat nga Rusia për investitorët në mbarë botën. Rreth 40 miliardë dollarë i borxhit mbahet jashtë të Rusisë.

Pagesa e interesit prej 100 milionë dollarësh duhej të paguhej më 27 maj. Rusia thotë se paratë ia kanë dërguar bankës Euroclear, por kjo pagesë ka mbetur pa u shpërndarë te kreditorët.

Britania e Madhe bashkohet me SHBA-në, Japoninë dhe Kanadanë për të ndaluar importet e arit nga Rusia
Lexo po ashtu Britania e Madhe bashkohet me SHBA-në, Japoninë dhe Kanadanë për të ndaluar importet e arit nga Rusia

Ministri rus i Financave, Anton Siluanov ka pranuar se investitorët e huaj “nuk do të mund t’i merrnin pagesat”.

“Bankat korrespondente, sistemet e shlyerjes dhe kleringut, depozituesit – janë të ndaluara të kryejnë çdo operacion në lidhje me Rusinë. E dyta është se investitorëve të huaj u ndalohet shprehimisht të marrin pagesa nga ne”, tha Siluanov.

Agjencitë që bëjnë vlerësimin kreditor, normalisht do të luanin rolin e treguesit zyrtar të se një gjë e tillë po ndodh, mirëpo atyre u ndalohet të mbulojnë Rusinë, pas vendosjes së sanksioneve. Përndryshe, vetë kreditorët mund të deklarojnë për një mospagim dhe të kërkojnë që Rusia të paguajë menjëherë të gjithë vlerën e borxheve.

Vendet që dështojnë, zakonisht e kanë të pamundur të huazojnë më shumë para, por Rusia tashmë është e ndaluar ta bëjë një gjë të tillë në tregjet perëndimore për shkak të sanksioneve. /Telegrafi/


Në trend Ekonomi

Më shumë
Shijo 3 ditë të mrekullueshme në Stamboll për vetëm 99 euro

Shijo 3 ditë të mrekullueshme në Stamboll për vetëm 99 euro

Kompania Turistike Shpejtimi
Më pak se 24 orë nga samiti më i madh madh i BNj në Kosovë “PowerToHR”

Më pak se 24 orë nga samiti më i madh madh i BNj në Kosovë “PowerToHR”

powertohr
Zgjidhe problemin e prishjeve për 3 euro në muaj me Hausmeister

Zgjidhe problemin e prishjeve për 3 euro në muaj me Hausmeister

Hausmeister
30% më shumë kilometra në Petrol Company nuk janë teori e thatë, por rezultate të prekshme dhe kjo me çmime më të lira në treg

30% më shumë kilometra në Petrol Company nuk janë teori e thatë, por rezultate të prekshme dhe kjo me çmime më të lira në treg

Petrol Company
Në mars pritet të fillojë faturimi i energjisë elektrike në veri

Në mars pritet të fillojë faturimi i energjisë elektrike në veri

Ekonomi
Nga Ballkani drejt Europës - rritja e shpejtë dhe suksesi i Sachpizza & Sachcaffé

Nga Ballkani drejt Europës - rritja e shpejtë dhe suksesi i Sachpizza & Sachcaffé

Sachcaffé
Kalo në kategori