Drejtori i përgjithshëm i Bayern Munich, Karl-Heinz Rummenigge, ia ka bërë me dije Robert Lewandowskit, se nuk mund t’i bëjë presion klubit.
Në një intervistë për ‘TZ’ ai i ka dërguar mesazh sulmuesi polak, i cili gjatë muajve të fundit ka pasur jo pak fërkime me kryesinë e klubit.
“Bayerni është një klub i madh që në ndryshim nga klubet e tjera në Gjermani nuk dorëzohet përballë çdo lloj oferte”.
Roberto Lewandowski (Getty Images)
“Objektivat tanë sezonalë janë më të rëndësishëm sesa paratë”, ka thënë Rummenigge.
Për sulmuesin që kërkon largimin ka oferta të mëdha nga klube si Real Madridi dhe Chelsea.
Karl-Heinz Rummenigge, CEO i FC Bayern Munchen dhe Hans-Joachim Watzke, CEO i Borussia Dortmund (Getty Images)
Pikërisht klui mbretëror spanjoll është dëshira e madhe e polakut.
Një thumbim edhe për rivalët e Dortmundit të cilët nën presionin e ofertave të mëdha nga Barcelona dhe Arsenali shitën yjet e skuadrës, Ousmane Dembele dhe Pierre-Emerick Aubamenayng. /Telegrafi/
