Rudiger pritet të rikthehet në Serie A

Antonio Rudiger nuk është duke kaluar momentet më të mira si futbollist i Chelseat.

Mbrojtësi gjerman këtë edicion ka pasur hapësira shumë të vogla nga Frank Lampard, duke qenë vetëm zgjedhja e katërt për qendren e mbrojtjes.

Kjo ka bërë që ai të marrë vendim për tu larguar nga klubi londinez qysh në afatin kalimtar të janarit.

E ardhmja e lojtarit duket se do të jetë përsëri në elitën e futbollit italian, Serie A.

Roma dhe Milan janë dy skuadrat italiane që kanë shprehur interesim për huazimin e lojtarit, me të drejtë blerje pas gjashtë muajsh.

Në fakt gjermani nga Roma në vitin 2017 iu bashkua Chelsat për një shumë prej 35 milionë eurove.

Giallorosët shihen si favorit për ta rikthyer gjermanin në Olimpico, pasi Rudiger ka kaluar dy vite shumë të mira në kryeqytetin italian.

Chelsea është e gatshme ta lejoj huazimin e lojtarit, por t’ia lë mundësinë ekipit që e merr atë për ta blerë për një shumë prej 25 milionë eurove.

Përveç Romës dhe Milanit që shihen si skuadra më të interesuara, interesim për të ka shfaqur edhe Barcelona. /Telegrafi/