Shefi i misionit të OSBE-së në Kosovë, Jan Braathu, ka thënë se sipas udhëzimeve të KQZ-së qytetarët e veriut në zgjedhjet e nesërme lokale do të mund të votojnë edhe me letërnjoftim të vlefshëm të Serbisë
Ndaj kësaj deklarate ka reaguar anëtari i Vetëvendosjes në KQZ, Adnan Rrustemi.
Ai ka thënë se në zgjedhjet e së dielës të drejtë vote kanë vetëm shtetasit e Republikës së Kosovës, dhe qytetarët mund të votojnë vetëm me dokumente të Kosovës, e kurrsesi me të Serbisë.
“Kushdo që deklarohet se në veri mund të votohet me dokumente të Serbisë, është deklaratë dhe qëndrim në kundërshtim me rendin juridik, integritetin, si dhe me ligjet dhe Kushtetutën e Republikës së Kosovës, qoftë ai edhe ambasadori i OSBE-së!”, u shpreh ai.
Statusi i plotë i Adnan Rrustemit:
“Mund të votohet vetëm me dokumente të Republikës së Kosovës, e kurrsesi me të Serbisë!
Në zgjedhjet e nesërme, të drejtë vote kanë vetëm shtetasit e Republikës, të regjistruar në regjistrin civil përmes pajisjes me letërnjoftim të Republikës së Kosovës. Mënyra se si krijohet lista e votuesve në Kosovë e determinon edhe se çfarë dokumente të identifikimit mund të përdorën në ditën e zgjedhjeve për të votuar. Përveçse ligji për zgjedhjet renditë këto dokumente dhe ligji mbi shtetësinë na tregon dokumentet që dëshmojnë shtetësinë, për nga kuptimi i procesit zgjedhor, në ditën e zgjedhjeve duhet të përdoren ato dokumente të identifikimit të votuesve që përmbajnë të gjitha të dhënat e njëjta sikurse janë përshkruar në listën e votuesve, e veçanërisht përputhjen e numrit personal të votuesit në dokumentin identifikues me numrin personal në listën e votuesve. Madje, Gjykata Supreme në vendimin e saj për votimin me kusht në zgjedhjet e 11 qershorit qartazi e ka vërtetuar se kërkohet numri personal i votuesve që e përmbajnë vetëm dokumentet e lëshuara nga institucionet e Republikës së Kosovës.
Asnjë votues nuk është pjesë e listës së votuesve, nëse nuk është pajisur me letërnjoftim të Republikës së Kosovës, ose të paktën me letërnjoftim të UNMIK-ut. Po ashtu, asnjë votues që nuk është në listën e votuesve nuk mundet që të votojë. Prandaj të gjithë ata që veçse janë të regjistruar në listën e votuesve, veçse posedojnë letërnjoftim të Kosovës ose të paktën të UNMIK-ut. Refuzimi për të nxjerrë nga xhepi dhe për të përdorur letërnjoftimin e Kosovës nga votuesit në pjesën veriore, është vetëm refuzim i qëllimshëm i sovranitetit të Republikës dhe si i tillë në asnjë mënyrë nuk duhet të lejohet. Çfarëdo tolerimi që të votojnë me dokumente të Serbisë është sheshit legjitimim i pretendimeve të strukturave paralele të Serbisë dhe të vet Serbisë.
Në anën tjetër, në secilin shtet demokratik dhe me sovranitet votohet vetëm me dokumente të atij shteti. As që diskutohet votimi eventual me dokumente identifikuese të një shteti tjetër. Kushdo që deklarohet se në veri mund të votohet me dokumente të Serbisë, është deklaratë dhe qëndrim në kundërshtim me rendin juridik, integritetin, si dhe me ligjet dhe Kushtetutën e Republikës së Kosovës, qoftë ai edhe ambasadori i OSBE-së!
Duke qenë se të gjithë votuesit që janë në listën e votuesve, në cilëndo pjesë të Republikës së Kosovës, posedojnë dokumente të identifikimit të Kosovës apo të UNMIK-ut, ftoj të gjithë zyrtarët e përfshirë në administrimin e zgjedhjeve dhe kërkoj nga autoritetet shtetërore si policia që në ditën e zgjedhjeve të jenë në mbrojtje të rendit kushtetues dhe të sovranitetit të Republikës, sikurse edhe të procesit zgjedhor në tërë territorin e Republikës”, ka shkruar Rrustemi. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Kontrabandë me cigare në Viti, sekuestrohen 500 kg duhan me vlerë mbi 6 mijë euro
Babait të Vanjës i shfuqizohet masa e paraburgimit, i caktohet masa e arrestit shtëpiak
Kërkohet paraburgim për 22 vjeçarin nga Ferizaj, dyshohet se sulmoi seksualisht të miturën me të cilën ishte një lidhje tash e një vit
Çka tha diplomati slloven Zhbogar në OKB që u irritua Vuçiqi?
Sylejman Selimi dhe Jahir Demaku lirohen nga akuza për krime lufte
Babai i Vanjës me ankesë të re para Gjykatës Supreme, kërkon që t’i hiqet masa e paraburgimit
Sindikata e Re e KEK-ut, ajo e Administratës dhe e Trepçës reagojnë ndaj kryetarit të BSPK-së për disa vendime
Organizatori i protestave anti-Vuçiq në Beograd, Manojloviq: Unë jam gjallë falë besës së shqiptarit
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën