Rastet e aksidenteve në vendin e punës janë shtuar, ndërsa sektori i ndërtimtarisë vazhdon të mbetet sektori me rrezikshmërinë më të lartë për punë.
E për të ofruar më shumë siguri dhe shëndet në punë e rrugë u pa që të punohet me shumë për zbatimin e kontratës kolektive, si dhe të shtohet numri inspektorëve.
Kështu u tha në tryezën e organizuar në kuadrin e platformës ‘Kosova që duam’ në fushën “punë dhe jetë të dinjitetshme”, KLGI dhe Fondacioni FriedrichEbertStiftung (FES) me temën “Mekanizmat Institucional për mbrojtjen e punëtoreve”.
Zëvendësministri i Punës dhe Mirëqenies Sociale, Çerkin Dukolli u shpreh se Kosova ka krijuar bazë të mirë legjislative sa i takon ofrimit të një pune më të sigurt dhe të shëndoshë.
Krahas angazhimit të institucioneve përgjegjëse ai tha se është evidente se nuk po zbatohet kontrata kolektive, dhe për këtë çështje janë duke bërë edhe shtesa tjera ligjore.
Dukolli theksoi se në vitet e fundit janë shtuar aksidentet e punëtorëve në vendet e punës , dhe numri i inspektorëve duhet të rritet.
“Kemi licencuar gjashtë persona juridik dhe 60 persona fizik për siguri dhe shëndet në punë, të cilët ushtrojnë detyrat që lidhen me sigurinë dhe shëndetin në punë tek punëdhënësit, por këtë vit ministria, realisht inspektorati i punës ka realizuar tre fushata inspektive kryesisht në sektorin e ndërtimtarisë.. Momentalisht sektori që paraqet rrezikshmërinë më të lartë në vend është ndërtimtaria që pasohet nga energjetika, shërbimet tregtia e sektor të tjerë. Numri i inspektorëve në këto vitet e fundit nuk ka qenë i duhuri apo i plotësuar, por ne po shpresojmë që gjatë vitit 2018 realisht ky numër do të rritet dhe do kemi një numër shtesë me inspektor të rinj”, tha Dukolli.
Sipas zëvendësministrit të MPMS-së ky institucion është duke punuar edhe në reformimin e legjislacionit pensional.
Kurse, kryetari i Bashkimit të Sindikatave të Pavarura të Kosovës, Avni Ajdini se këtë vit është shtuar numri i të lënduarve në punë dhe për këtë duhet të bëhet më shumë nga institucionet përgjegjëse.
Sipas tij Ligji i Punës dhe Kontrata Kolektive nuk po zbatohet, ndonëse inspektorët e thonë të kundërtën.
“Unë e di se këto raste ndodhin çdo kund në botë, por jo sikur tek ne që për një kaish me humb punëtori jetën, jo për shembull punëtori për dy dërrasa me humb jetën, këto nuk falen për atë arsye po them se është një temë voluminoze, por ne duhet me çdo kusht të punojmë që ta zbusim, që ta ulim këtë dukuri negative…Ligj i punës duhet të zbatohet a po zbatohet inspektorët thonë po, unë them jo pse unë them jo, inspektorët një nuk po e dinë se kontratat kur po i kërkojnë edhe shumë kontrata po është me të vërtet e përcaktuar sipas ligjit, por punëtorët a po i pyesin sa orë po punojnë, në kontratë punëtorëve iu shkuan 8 orë, punëtori punon 12 orë”, ka shtuar Ajdini.
Besnik Muçaj nga Instituti Kosovar për Qeverisje Lokale ka konsideruar se është momenti i fundit që të fuqizohen mekanizmat institucional për të rregulluar dhe mbrojtur punëtorët.
Sipas tij shteti i Kosovës nuk i ka vënë në dispozicion të gjithë mekanizmat që të respektohet kontratës së punës dhe sigurinë në punë.
“Ne kemi afër 30 lloje të inspektorateve dhe mungesa e komunikimit ose të një standardi të inspektorateve përpos që dëmton punën, e fragmenton punën e kontrollit dhe mendojmë që e pengon biznesin. Një strukturim një dakordim i përbashkët, një listë e detyrave por edhe një komunikim i strukturuar në mes dyja niveleve, por edhe mes të gjitha llojeve të inspektorateve mendoj se i kishte shërbyer një procesi më dinamik të kontrollit të përhershëm. Do jetë e pamundur që vetëm inspektorët e punës të përfundojnë gjithë punën që lidhet me vendosjen e rregullit, kontratave apo edhe siguri në punë për punëtor”, ka thënë ai.
Ndryshe, ‘Kosova që duam’ është platformë e përbashkët e shoqërive civile dhe ka për qëllim që të nxis të gjitha palët e interesit të punojnë bashkërisht për të siguruar që çdo qytetar i Kosovës gëzon të drejta të njeriut, siguri sociale, zhvillim ekonomik, kushte të mira për jetës dhe vende pune në një mjedis të shëndoshë. /Telegrafi/
Lufta Prigozhin - Putin
Më shumëAfër detit, afër mbretit - Mbreti i "Holiday In 2" po t'fton në fron
Kontratat njëburimore, Tahiri përplaset me Kusari-Lilën: Dëgjoni, mos u bëni të pasjellshëm
Mustafa, Rrustemit: U mundove me thanë që LVV e pa korruptuar, por kryeshefi i KEK-ut që e keni emëruar u arrestua për korrupsion e kontrata njëburimore
Kritikat për kontratat njëburimore, Aliu: Është vetëm një, nuk e kam problem hetimin
S’ka kuorum, dështon themelimi i Komisionit hetimor për kontratat njëburimore
Abonohu në Shqip.ai - Zbulo pakot e reja të çmimeve
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Më të lexuarat
Njëri nga të kërkuarit për tentim vrasjen në Prishtinë e kishte rrahur reperin Fero në vitin 2018
Stradner: Vuçiq dhe Dodik po përgatisin jetësimin e idesë për "botën serbe"
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit
Mësohet se kush, përveç Serbisë, votoi kundër rekomandimit për anëtarësimin e Kosovës në Këshillin e Evropës
Hoxha: Grupe kriminale serbe po përgatiten për sulm në veri
"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes