Nxënësit e klasave të nënta nesër do t’i nënshtrohen Testit të Arritshmërisë, ku me pikët e arritura do të kenë mundësi të orientohen për në shkollat e mesme.
Këtij testi do t’i nënshtrohen rreth 27 mijë nxënës ku do të mbahet në 110 qendra të testimit.
Testi do të përmbajë 100 pyetje, ndërsa edhe këtë vit nuk do të ketë kriter të kalimit, por pikët e arritura do të përdoren për regjistrim në shkollat e mesme.
Zyrtari për sigurimin e cilësisë, standarde, vlerësim dhe licencim në Ministrinë e Arsimit Fatmir Elezi, ka bërë të ditur se kanë përfunduar të gjitha përgatitjet që nesër të mbahet testimi.
“Tash jemi në finalizimin e të gjitha përgatitjeve për testin e klasave të nënta, pra Testin e Arritshmërisë dhe të gjitha testet janë në printim janë paketuar sipas klasave dhe nesër bëhet shpërndarja nëpër qendrat e testimit.. Nxënësit do të testohen në të gjithë Kosovën në 110 qendra të testimit, janë rreth 27 mijë nxënës në gjuhën shqipe dhe diku nga 300 në gjuhën turke dhe boshnjake”, tha ai.
Testi do të ketë 100 pyetje nga lëndët si gjuha shqipe, gjuha angleze, matematika, pyetje nga shkencat shoqërore dhe ato natyrore.
Elezi deklaroi se nuk do të ketë kriter kalimi, por që pikët e mbledhura u shërbejnë nxënësve për t’u orientuar në shkollimin e mesëm.
“Testi i klasës së nëntë nuk ka dallim nga testet e klasave të nënta të viteve paraprake, do të thotë nxënësit i nënshtrohen testit me 100 pyetje në total, ku përfshihen lëndët si gjuha shqipe, angleze, matematikë, informatika dhe lëndët e shkencave shoqërore dhe shkencave natyrore. Ky test nuk ka kriter të kalimit, nxënësit e marrin rezultatin në bazë të arritjeve që i arrijnë në test, pa marrë parasysh çfarë arritje kanë ato pikë i shënohen në dëftesat e shkollës”, tha ai.
Sa i përket administrimit të testit, ai bëri të ditur se është përgjegjësi e Drejtorive Komunale të Arsimit, por që edhe Ministria e Arsimit në çdo qendër do të ketë komisionar.
“Të gjithë akterët që janë të përfshirë në test e dinë që nuk lejohet asnjë lloj kopjimi. Mirëpo thënë të drejtën administrimi i testit të klasës së nëntë është i organizuar nga komunat, administruesit janë të caktuar nga komunat, MAShT-i i dërgon vetëm komisionarët nëpër qendrat e testimit. Çdo parregullsi që vërejmë do të merren masa nga MAShT-i për ato qendra ku nuk administrohet sipas kritereve që ne i caktojmë. Në çdo qendër është minimum një komisionar nga MAShT-i, njësoj është për çdo qendër është një përfaqësues i komunës dhe drejtori i shkollës ku mbahet testi”, u shpreh ai.
Ministria e Arsimit, Shkencës dhe Teknologjisë, sipas Elezit pret që ky testim të jetë real dhe i besueshëm. Po ashtu, ai tha se presin që nxënësit të tregojnë njohuritë që kanë fituar gjatë shkollimi nëntëvjeçar.
“Për ne si ministri pritjet janë që nxënësit t’i kenë kushtet për të treguar njohuritë që kanë fituar gjatë nëntë viteve shkollim dhe t’iu ofrohen kushte dhe mundësi që të tregojnë dijen e vet. Pritet që të jetë një test real dhe i besueshëm, duhet kuptuar që ky nuk është një test garues po është një test ku nxënësit duhet të dëshmojnë njohuritë dhe shkathtësitë që i kanë fituar gjatë shkollimit nëntëvjeçar. Ky test përdoret për orientin në shkollat e mesme, rezultatet e testit i orientojnë nxënësit për regjistrim në klasën e 10”, deklaroi ai.
Testimi i nxënësve do të fillojë në orën 10:00 dhe do të zgjasë deri në orën 13:00, ndërsa publikimi i rezultateve do të bëhet me 10 qershor./KP/
Lufta Prigozhin - Putin
Më shumëNë sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Çitaku: Rezultati i zgjedhjeve të përgjithshme do të jetë befasues
Rashiq për stërvitjet ushtarake serbe: Duan vetëm t’i tregojnë muskujt
Çka tha diplomati slloven Zhbogar në OKB që u irritua Vuçiqi?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre