Rrëshqitje dheu në Indi, nëntë turistë humbin jetën derisa gurët bien nga maja e kodrës

Nëntë turistë kanë vdekur në Indinë veriore pasi automjeti me të cilin po udhëtonin u godit nga gurë në rënie.

Sipas BBC, përcjell Telegrafi, tre të tjerë thuhet se pësuan lëndime në këtë incident, që ndodhi të dielën në shtetin e Himachal Pradesh.

Pamjet dramatike të publikuara në mediet sociale treguan gurë të mëdhenj duke rënë poshtë drejt një lugine të pjerrët dhe mbi një urë.

Kryeministri i Himachal Pradesh, Jairam Thakur, e përshkroi incidentin si “shqetësues”.

Në videon e shpërndarë në Twitter, gurët e mëdhenj mund të shihen duke goditur automjetet e parkuara, para se të shkaktonin një urë të shembet rrethin Kinnaur të këtij shteti.

9 dead and 3 injured as a bridge in #SanglaValley of Kinnaur collapses. #HimachalPradeshpic.twitter.com/j0QgnO0sO0

— Shivangi Thakur (@thakur_shivangi) July 25, 2021

Disa prej personave të vdekur ishin nga kryeqyteti Delhi, dhe po vizitonin fshatin turistik të njohur Chitkul, njoftoi gazeta Hindustan Times.

Nuk është ende e qartë se çfarë e shkaktoi incidentin, por paralajmërimet për rrëshqitje të mundshme të tokës ishin lëshuar për shkak të reshjeve të mëdha të parashikuara të shiut. /Telegrafi/