Ish luftëtari i UÇK-së, tashmë veteran, Arben Doçi, 40 vjeçar nga Klina është duke u ndjerë i zhgënjyer me gjendjen e keqe në të cilën gjenden sot veteranët e luftës (përfshirë dhe veten e tij), 20 vjet pas lufte.
Doçi, në një prononcim për Telegrafin ka thënë se është duke e marrë pagën e veteranit prej 170 euro, mirëpo nuk mjafton për t’ia siguruar një jetë më të mirë familjes së tij.
Veterani i UÇK-së, i cili ka vepruar në stacionin “Shigjeta” në zonën e Pashtrikut në kuadër të Shtabit të Përgjithshëm, theksoi se ka punuar më herët në sigurim, mirëpo me ligjin e veteranëve nuk ka të drejtë të punojë punë tjetër.
“Kam punuar në sigurim, por na ndaluan me këtë ligjin e veteranëve. E tash punoj aty – këtu diçka fizikisht. E marr pagën e veteranit 170 euro. Jam i martuar, i kam katër vajza. Gruaja nuk më punon. Vajzën më të vogël e kam pesë vjeçare dhe më të madhen e kam 16 vjeçare”, rrëfen ai.
Ai shprehu shqetësimin e tij me jetën që është duke e zhvilluar në Kosovë, sa që ka vendosur që të shkojë në Kroaci, për të punuar dhe për t’ua siguruar një mirëqenie më të mirë vajzave dhe gruas së tij. Doçi thotë se ikja e veteranëve nga Kosova është një luftë speciale që po iu bëhet, nga ‘bashkëluftëtarët’, të cilët janë në pushtet pasi nuk përkojnë me interesat e tyre.
“Për qejf nuk e lë askush vendin, familjen. 80 për qind e bashkëluftëtarëve, gjysma vdiqën e gjysma ikën jashtë. E kam vizën kroate, për në Kroaci. E kam lejen e punës për momentin për një vit, por se di çka ndodh nëse mund të rri apo jo. Vet mendoj të shkoj e të punoj ndonjë punë atje. Nga fillimi i javës tjetër mendoj të nisem. Kjo është një luftë speciale e të huajve me politikanët tonë, për t’i larguar këtë kategori të cilët nuk kanë marrëveshje me politikanët tanë. E arsyeja e vetme është që ne të largohemi, se me njerëzit e luftës nuk munden ndryshe me bo, vetëm për interesa të veta”, vlerëson Doçi.
E mundësia për punësim në Kosovë sipas tij, është që të kesh pushtet ose para. “Me ta duhet të kesh ose pushtet ose pare ose…Këto janë kushtet për me të shti në punë ata. Fatmir Limaj, Azem Syla, Kadri Veseli, Hashim Thaçi e tjerë që sot janë në pushtet kanë qenë anëtarë të Shtabit të Përgjithshëm e unë kamë qenë në njësitin e operacionit ‘Shigjeta’, të cilin e ka udhëheq Shtabi i Përgjithshëm i UÇK-së.
Këta në pushtet sot s’janë për ne, sepse faktikisht janë për vete”, u shpreh i zhgënjyer, veterani i luftës Arben Doçi. /Telegrafi/
Promo
Reklamo këtuLufta Prigozhin - Putin
Më shumëZhdukja e nënës me tre fëmijët në Shkodër, policia arreston bashkëshortin - dyshohet të jenë mbytur për shkak të dhunës
Axhanqiq: Unë takohem me Kurtin hapur, të tjerët fshihen
Ulqini gati për sezonin e ri, drejtues të komunës dhe biznesmen flasin për çmimet dhe investimet
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Spahoviq: Nuk mund të pritet qeveri proevropiane nga Vuçiqi, idetë e Millosheviqit janë ende të gjalla
Rrahet anketuesi i regjistrimit të popullsisë, policia arreston tre të dyshuarit në Pejë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak