Punëtorët nga Banglandeshi gjithnjë e më shumë po i zëvendësojnë kosovarët që po largohen drejt Evropës.
Kështu ndodhi edhe në një kompani të prodhimit të metaleve në Ferizaj.
Një nga punëtorët që erdhi nga Bangladeshi për të punuar këtu, është Momen Billahun, i cili është rritur mijëra km larg Kosovës.
Por, këtij të riu i ka bërë goxha përshtypje shteti më i ri në Evropë, ani pse thotë që ka punuar edhe në shtete tjera.
“Që nga java e kaluar kam filluar punën këtu, është shumë mirë. Kushtet e punës këtu janë shumë të mira, sepse unë punova edhe në Dubai në 16 vjetët e fundit , por këtu është më mirë edhe kushtet janë më të mira, koleget janë shumë të mirë, njerëzit janë shumë të mirë. Ushqimi është me ndryshe së në vendin tonë. Gjithçka është më ndryshe se në Bangladesh”, thotë për Tëvë 1, Momen Billah – punëtor nga Bangladeshi.
Ky shtetas i Bangladeshit tregon procedurat se si erdhi deri në Kosovë.
“Vëllezërit e mijë me kanë thënë se nëse vendos që të shkosh në Kosovë, kërko punë më kushte të mira, prandaj unë aplikova në këtë kompani, e cila na ka siguru vizat, leje të punës, edhe unë kam shkua në Ambasadën e Kosovës në Bangladesh e cila gjithashtu me dha leje qe të vijë këtu”, shprehet ai.
Kushtet e ofruar nga kjo kompani kosovare, po i pëlqejnë edhe bashkëvendësit të tij, Elias Mias.
E përveç kushteve të punës, këtij shtetasit të Bangladeshit po pëlqen edhe diçka tjetër në Kosovë.
“Unë jam mysliman, dhe vijë nga Bangladeshi, dhe kjo është arsyeja pse kam zgjedhur Kosovën që të vijë. Këtu nuk ka probleme politike, nuk ka terrorist kjo është arsyeja pse pëlqej Kosovën. Unë jam qe tre muaj jam këtu, kur të vjen koha e pushimeve do të shkojë në Bangladeshe. Unë komunikojë më familjen time cdo ditë përmes telefonit. Puna në Bangladesh fillon në orën nëntë , në Kosovë fillon në orën, tetë, paga në Bangladesh është më ulet, në Kosovë është më e lartë. Këtu rrogën e kam 500 euro”, shprehet Mias.
I pyetur nëse do të shkoj në ndonjë vend tjetër në Evropë, ai ka këtë përgjigje.
“Nuk mund të vendos se a do të shkoj në një vend tjetër, sepse e kam punën, akomodim ushqimin, nuk kam asnjë problem. Shefi është shumë mirë, pse me shku në një vend tjetër?”
Në këtë kompani të prodhimit të metaleve, punojnë rreth 100 punëtorë, ku 16 prej tyre janë nga Bangladeshi.
E pronarja e këtij biznesit “Eurometal”, Arbnore Musliu tregon arsyet e zëvendësimit të punëtorëve kosovarë me ata të Bangladeshit.
Musliu tregon sfidat që këta punonjës nga Bangladeshi patën në ambientimin në shtetin e Kosovës.
Por për punën që këta qytetarë nga Bangladeshi po e bëjnë në Kosovë, kryetari i Sindikatës së Sektorit Privat, Jusuf Azemi, ka mëdyshje.
Sipas një raporti të publikuar, nga Instituti Gap, në vitin 2023, mbi 3 mijë leje të punës janë lëshuar nga shteti i Kosovës për shtetasit e huaj gjatë vitit 2023.
Sipas këtyre statistikave, në këtë listë kryesojnë Turqia dhe Bangladeshi, ku 1004 shtetas turq dhe 722 shtetas të Bangladeshit kanë marrë leje pune ne vitin e kaluar.
Lufta Prigozhin - Putin
Më shumëFlorin Krasniqi kërkon mbi 28 milionë euro dëmshpërblim nga Mali i Zi
GoBau – Kositëse bari
Pasuria e guvernatorit të BQK-së, drejtorit ATK-së dhe drejtorit të Doganës
U hap panairi Horeca, "Zgjidhje për çdo shef" - Një sinjal pozitiv për gastronominë dhe hotelerinë
EBC Cosmetics vjen me zbritjen më të madhe vjetore
StaffiX ofron trajnim për Bazat e Menaxhimit të Burimeve Njerëzore
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë