Rrëfimi i gruas nga komunitet egjiptian në Kosovë, e cila ishte martuar në moshë të mitur.
Ajo ka thënë se në mentalitetin e rrethit ku ajo jeton, martesa të tilla ishin dhe vazhdojnë të mbeten diçka normale, teksa tregon edhe vështirësitë që i kishte kaluar deri tek ndarja nga burri.
“17 vjeçare me u martua ka qenë një moshë e mesme, do të thotë që je tamon dhe je për martesë, sepse e di se shumica e vajzave në atë kohë janë martuar shumë më të reja se unë. Ka pasur vajza që janë martuar me 14-15-16”, ka thënë ajo.
Ajo ka vazhduar me rrëfimin e saj, duke thënë se pas lindjes së djalit kishte filluar edhe presioni dhe vuajtjet e shkaktuara nga ana e burrit, i cili thotë se e kishte tradhtuar disa herë, madje kishte edhe fëmijë më dikë tjetër. Ajo cek edhe presionin që po i bëhej nga familja e tashmë ish-burrit të saj.
“Pasi ka lind djali, pasi kam ardhë në shtëpi, kanë ndodhë disa sende me ish-burrin jo të mira, disa.. s’e di… Edhe mandej kam pas shumë presion, shumë vuajtje. U dashtë, edhe e kam pa që ndoshta kam gabu që kam lind, nuk mundem me thanë tash që jam pishman që e kam një djalë shumë të mirë, e kam një yll, mirëpo në atë moshë i kam thanë vetit pse. Pasi ndodhën disa sende jo të mira me ish-burrin, kam thanë pse unë s’jam kanë e gatshme dhe me lind, pse e pruna në jetë edhe djalin, edhe ndoshta ka me ndiku kjo edhe te djali e kam pa që është gabim”, ka vazhduar rrëfimin ajo, njofton betimiperdrejtesi.
Ajo thotë se me ditë të tëra kishte qarë nga i gjithë ky presion dhe trajtimi i keq, teksa në një moment kishte menduar t’i japë fund edhe jetës së saj.
“Edhe kam shku i kam marrë hapat që kanë qenë kundër shtatzënisë, i kam pi katër paqeta hapa, kam dashtë me bo vetëvrasje, edhe nuk kam ditë kurrgjo tjetër deri më kanë qu në spital”, tregon mes emocionesh ajo.
Nga kjo ngjarje tragjike ajo kishte menduar se mbase burri i saj do të pendohej dhe do t’i kërkonte falje, por kishte ndodhur e kundërta.
“Tha prej ditës sodit ti me mu nuk je, martesa jonë ka marrë fund…”, rrëfen ajo.
Pas ndarjes ajo e kishte rritur e vetëm fëmijën e saj, kurse ka një mesazh për të gjitha vajzat e reja.
“Mesazhi jem për krejt femrat e reja është t’i japin ma shumë rendësi arsimimit, edukimit edhe të kenë kujdes me kon po shoqnohen dhe kon pe dojnë, le të këqyrin mirë…Disa mendojnë vetëm te pasuria apo te kerri, apo ka një lokal apo diçka, nuk është pasuria asgjë, le të kenë kujdes do me thanë kon pe dojnë, le të mendojnë mirë edhe le të shkollohen, ky është mesazhi”, ka porositur ajo.
Për më shumë ndiqni emisioni “De Jure”, në Tëvë1 dhe “Betimi për Drejtësi”, për hulumtimin mbi “Martesat mes të miturve”.
Promo
Reklamo këtuLufta Prigozhin - Putin
Më shumëQeveria vendosi: 24 prilli dhe 8 maji ditë jo pune për të gjithë qytetarët
Komandanti suprem i NATO-s, Cavoli: Po i shtojmë forcat në Kosovë dhe Bosnje, po sjellim artileri të rëndë
Arrestohet një i dyshuar lidhur me rastin e ukrainases që u gjet e vdekur në autostradën Ferizaj-Prishtinë
Përfaqësuesi i Shqipërisë në KiE: Kosova ka plan të jashtëzakonshëm për të siguruar anëtarësimin në Këshillin e Evropës
”Të lutem avokate le të del nga burgu, po du me u pajtu”, avokatja tregon se shumë gra tërhiqen nga denoncimi i dhunës
Pronari i “Zhitia Turist” tregon se çfarë u është thënë udhëtarëve të ndaluar nga Serbia në kufi
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Notat e lojtarëve, Man City 1-1 Real Madrid: Lunin heroi i mbretërve
Komandanti suprem i NATO-s, Cavoli: Po i shtojmë forcat në Kosovë dhe Bosnje, po sjellim artileri të rëndë
Arrestohet një i dyshuar lidhur me rastin e ukrainases që u gjet e vdekur në autostradën Ferizaj-Prishtinë
Sir Alex Ferguson i ofroi lojtarit të Man United 100 mijë euro për t'u tërhequr nga futbolli
Hisen Berisha 'ngacmon' Adelina Ismailin në emision: "Ushtrinë time do ta bëj" ma ke kushtuar mua, sepse po e bëja ushtrinë në atë kohë
Mbretër për Ligën e Kampionëve, Real Madridi fiton ruletin e penalltive dhe eliminon kampionin