Ronaldo, Dybala dhe Morata përballen me të ardhmen e pasigurt te Juventusi

E ardhmja e Cristiano Ronaldos, Paulo Dybala dhe Alvaro Morata mbetet në ajër, por argjentinasi thuhet se ka më shumë gjasa të largohet.

Kontrata e Ronaldos dhe Dybala skadon në qershor të vitit 2022, ndërsa Morata është në huazim nga Atletico Madrid deri në fund të sezonit.

Juventusi mund të zgjas qëndrimin e tij të përkohshëm për një sezon më shumë duke paguar 10 milionë euro, ose ta bëjë lëvizjen e tij të përhershme për 45 milionë euro.

Gazeta italiane Gazzetta.it shpjegon se qëndrimi i spanjollit në Torino nuk duhet të merret si i mirëqenë, por Juventus ka të ngjarë të zgjasë lëvizjen e tij të huazimit.

Sa i përket Ronaldos, asi portugez është i vetëdijshëm se askush nuk do t’i ofrojë atij një pagë prej 31 milionë eurosh në vit dhe duhet të vendosë nëse do të qëndrojë në Juventus apo të bashkohet me një klub tjetër që nuk do t’i paguante të njëjtat para.

Në fillim të kësaj jave, La Gazzetta dello Sport raportoi se CR7 është i gatshëm të zvogëlojë pagën etij për t’u kthyer në Manchester United.

Lexo po ashtu Ronaldo i gatshëm të zvogëlojë pagën e tij për t'u kthyer te Manchester Unitedi

E ardhmja në Torino mbetet e pasigurt, dhe e njëjta gjë është e vërtetë edhe për argjentinasin Dybala.

Argjentinasi ka refuzuar ofertën e Juventusit prej 10 milionë eurosh në vit për të zgjatur kontratën e tij që skadon në vitin 2022, por nuk ka shumë pretendues për të pasi që humbi shumë ndeshje këtë sezon për shkak të problemeve fizike.

Lexo po ashtu Dybala e pranon se kishte ofertë nga Atletico Madrid: Morata më foli mirë për klubin

Sipas raportit, Juventusi është i gatshëm ta shesë atë, por janë të vetëdijshëm se nuk do të gjejnë shumë klube të gatshëm që duan të investojnë shumë në La Joyan.

Për këtë arsye, Zonja e Vjetër po mendon të përfshijë 27-vjeçarin në marrëveshje shkëmbimi që mund të ndihmojnë klubin të bëjë një fitim nga shitja e tij. /Telegrafi/