Ronaldinho: Kam edhe ca gjëra për t’ia mësuar Messit

Argjentinasi e ka tejkaluar me të gjitha ish bashkëlojtarin e tij, mirëpo ky i fundit ende ka disa këshilla për një ndër futbollistët më të mirë në botë.

Ronaldinho ka bërë shaka duke thënë se do ta përdorojë rolin e tij si ambasador tek Barcelona për t’i mësuar disa gjëra Lionel Messit.

Ikona braziliane ishte një nga futbollistët më të mirë në botë në kohën kur Messi hyri për herë të parë në radhët e klubit të Barcelonës, dhe të dy kishin një lidhje të afërt para se Dinho të transferohej në Milan në vitin 2008, shkruan rtv21.tv.

Që nga atëherë Messi e ka marrë rolin e ri elitar, duke u bërë futbollisti i vetëm që ka fituar 5 Topa të Artë, teksa çdo vit ai dhe Cristiano Ronaldo garojnë për të gjithë titujt individualë.

Edhe pse Messi është në majë të majës, Ronaldinho ende ndjen se do të mund ta ndihmonte Messi-n që të përmirësohej edhe më shumë.

“Më duhet t’i mesoj edhe ca gjëra tjera atij”, i tha ai UOL, para se të insistonte se nuk është ende i gatshëm për një rol menagjerial./21Media