Rolls-Royce i ri unik quhet Boat Tail

Prapa Boat Tail është departamenti i Rolls-Royce, i cili bën me dorë shembuj unikë të veturave për klientët që nuk kërkojnë një çmim.

Modeli Sweptail, i zbuluar në vitin 2017, ishte Rolls-Royce i fundit unik për të cilin pronari la mënjanë 12.8 milionë dollarë dhe katër vjet më vonë kompania e famshme britanike e veturave zbuloi një model unik të ri me emrin Boat Tail.

Një klient tjetër që nuk shikoi për çmim i kërkoi departamentit Rolls-Royce Coachbilding, ku ata kaluan katër vjet nga një copë letër e bardhë deri tek produkti përfundimtar, dhe rezultati i një buxheti të pakufizuar është një Boat, modeli Cabrio i gjatë 5.79 metra që elementët e kaltër dhe të shumtë tregojnë qartë se ai ishte frymëzuar nga deti dhe lundrimi.

Ndër detajet interesante janë panelet prej druri që kanë zëvendësuar kapakun klasik të bagazhit nën të cilin fshihen frigoriferi dhe gotat e shampanjës. Ekzistojnë gjithashtu tavolina të palosshme, takëm argjendi, pllaka porcelani, një cadër/çadër më të madhe dhe karrige kanavacësh të palosshme. Çatia e kanavacës së lëvizshme hiqet nga makina me dorë.

Cilësia e panelit të instrumenteve dhe paneleve përpara shoferit dhe pasagjerit para është e lidhur me zgjidhjet e përdorura në prodhimin e bizhuterive dhe orëve të shtrenjta. Megjithëse nuk është konfirmuar zyrtarisht, ekziston çdo mundësi që një motor 6.7 litërsh V12, i cili zhvillon 600 kuaj/fuqi në modelet Black Badge të RR, të fshihet nën mbulesën e gjatë përpara me dy ngjyra të “varkës me vela mbi rrota”. /Telegrafi/