Rivaldo mbështet Messin në mosmarrëveshjen me Abidalin: Ai ka të drejtë të zemërohet, si kapiten mbrojti grupin

Ish-superylli brazilian i Barcelonës, Rivaldo ka dalë në mbështetje të Lionel Messi për mosmarrëveshjen e tij me drejtorin sportiv të klubit, Eric Abidal.

Francezi la në dukje në një intervistë shpërthyese në fillim të kësaj jave se mungesa e përpjekjeve dhe nivelit të performancës nga skuadra deri më tani kanë kontribuar në largimin e ish-menaxherit Ernesto Valverde në janar.

Sidoqoftë, Messi reagoi me zemërim ndaj këtij sugjerimi, përmes Instagramit, duke treguar se vendimi për heqjen e Valverde është bërë nga klubi, dhe brenda përgjegjësisë së Abidal dhe pjesës tjetër të bordit.

Lexo po ashtu Historia nga brenda e krizës së Barcelonës pas grindjes mes Lionel Messit dhe Eric Abidalit – shumë probleme ishin tubuar në klub

Spekulimet u intensifikuan dhe shkuan aq larg duke thënë se Messi tani mund të shikojë të largohet nga klubi gjatë verës, për shkak të një klauzole largimi në kontratën e tij aktuale, me Manchester Cityn të lidhur me një ofertë verore.

Klubi tani po punon për të zgjidhur situatën, por ish-mesfushori brazilian Rivaldo beson se Messi ka qenë brenda të drejtave të tij kur ka folur kundër komenteve të Abidal.

“Messi ka çdo të drejtë të zemërohet me komentet e Abidal”, ka thënë fillimisht Rivaldo në një intervistë me gazetën Marca.

“Ai (Abidal) hodhi dyshime për profesionalizmin e skuadrës, pa përmendur asnjë lojtar, dhe kjo ndikon në të gjithë skuadrën”.

Lexo po ashtu Guardiola flet për situatën e Messit dhe zërat për transferim te City

“Messi ka shikuar vetëm për të mbrojtur grupin, si kapiten, si dhe reputacionin e tij”.

“Nuk besoj se Abidal e ka bërë këtë me qëllim, por ai ka qenë naiv, dhe kjo ka dëmtuar klubin”, përfundoi ish-ylli brazilian.

Ish-trajneri i Barcelonës, Pep Guardiola, ka hedhur poshtë çdo pretendim se Messi mund të transferohet në Etihad përpara sezonit 2020-21, duke thënë se ai dëshiron që argjentinasi të përfundoj karrierën e tij në Camp Nou. /Telegrafi/