I riu nga Ohri shpik syze që zbulon qelizat e kancerit

Shpikësi nga Ohri, Viktor Gruev, doktori i shkencave dhe profesor në universitetin ‘Washington’-Sant Louis, ka shpikur syze që zbulojnë qelizat kancerogjene, përcjell Telegrafi Maqedoni.

Shpikjen e tij, Gruev, e ka prezantuar para studentëve dhe qytetarëve të interesuar në universitet ‘Shën Apostoll Pavle’ në Ohër, ku mba edhe temën: ‘Inspirimi nga natyra për senzorë (të zbatueshëm) në kirurgji’. Ideja për këtë zbulim, sipas tij, ka filluara para dy viteve përderisa ishte duke punuar në projektin që ka analizuar sytë e shiqimeve të ndryshme të njerëzve.

‘Kështu erdhëm deri në krijimin se ka shumë gjallesa që shikojnë shumë ndryshe nga ne. Shikojnë shumë më tepër ngjyra dhe kanë shumë shqisa tjera, dhe gjithë këto i kemi zbatuar në krijimin e syzave me senzorë, dizajni i të cilëve është bazuar drejt sistemit vizuel të gjallesave dhe kërkesës së tyre në neurologji dhe onkologji’, tha Gruev.

Projekti, shtoi ai, është në zhvillim, kurse interes kanë treguar shumë fondacione nga zona medicinale të SHBA-ve, Evropës, por edhe Kina si dhe shtete të tjera. Është e nevojshme të kalojë në procedura të caktuara dhe kontrolle të rrepta të komisioneve speciale shëndetësore.

Gruev premtoi se do të vazhdojë me zhvillimin e teknologjisë për zgjerimin e tij në shtete tjera, në mesin e të cilave është edhe Maqedonia. /Telegrafi/