Rihanna festoi të enjten (11 maj) përvjetorin e pestë të markës së saj “Savage X Fenty”.
Këngëtarja 35-vjeçare dukej joshëse teksa pozonte me veshje të brendshme nga koleksionet e saj që janë hedhur në treg që kur ajo lansoi kompaninë.
Sipërmarrësja - emri i djalit të së cilës u zbulua një ditë më parë - tregoi gjithashtu barkun e saj të rrumbullakosur teksa pozonte në mënyrë joshëse mbi një aparat të fotokopjes.
Foto: Rihanna/Instagram
Krijuesja e hitit “Anti” u shfaq me një set të zi dhe pantallona të shkurtra nga koleksioni i saj i fundit teksa u përkul mbi skaner.
Në foto, themeluesja e “Fenty Beauty” shihet me një model flokësh të drejtë me balluke.
Foto: Rihanna/Instagram
Për të kompletuar paraqitjen atraktive, Rihanna kompletoi veshjen me këpucë me taka gjithashtu të zeza.
Ndonëse po pret të bëhet nënë për herë të dytë, ylli i muzikës dukej në formë të mrekullueshme teksa brenda pak orësh grumbulloi mbi gjashtë milionë pëlqime dhe mijëra komente.
Foto: Rihanna/Instagram
Theksojmë që iliarderja lansoi linjën e saj të të brendshmeve, "Savage X Fenty", më 11 maj 2018.
Që atëherë, ajo ka lëshuar gjithashtu një markë kozmetike jashtëzakonisht të suksesshme dhe i ka rritur sipërmarrjet e saj të biznesit në një perandori. /Telegrafi/
Foto: Rihanna/Instagram
