Një burrë nga Illinois përdori përsëri numrat nga një biletë e vjetër dhe e harruar e Powerballit dhe përfundoi duke fituar një çmim prej 1 milion dollarësh.
Lojtari anonim, i cili përdori pseudonimin Rex, i tha zyrtarëve të Lojërave të Fatit në Illinois se vendosi të blinte një biletë për shortin e Powerball-it të 3 shtatorit pasi gjeti një biletë të vjetër që nuk kishte fituar.
"Unë zakonisht luaj Lotto, por këtë herë gjeta një biletë të vjetër Powerball në sirtar dhe mendova të provoj përsëri ato numra. Çmimi i parë ishte shumë i lartë - mbi një miliard dollarë! Mendova se nuk do të kisha shumë mundësi për një shumë të tillë", tha burri.
Bileta, e blerë në dyqanin Joe's Tobacco and Vape & Phone Repair Shop në West Galena Boulevard në Aurora, përputhej me të pesë numrat e shortit: 3-16-29-61-69.
"U zgjova ditën pas shortit, piqja kafen time të dytë dhe papritmas më kujtohet të kontrolloj numrat. Më duhej një ditë e tërë për t’ia kuptuar. Kontrollova biletën tre herë dhe madje e skanova edhe në dyqanin ku e bleva. Gjatë natës pothuajse nuk fola - presioni im i gjakut ishte shumë i lartë!", tha Rex.
Ky i fundit tha se çmimi i tij prej 1 milion dollarësh do të shkojë për blerjen e një veture të re dhe për dhurata për të dashurit e tij. /Telegrafi/
