Revista amerikane Time ka vendosur t'ia kushtojë kopertinën e saj vrasjes së ndikuesit të krahut të djathtë Charlie Kirk.
"Mjaft. Vrasja e Charlie Kirk dhe Epidemia e Dhunës Politike Amerikane", shkruhet në kopertinë, me një foto në sfond të bërë një ditë më parë vrasjes së djeshme.
Edicioni i shtypur i Time me kopertinën e re do të jetë në shitje nga 29 shtatori.
Revista Time i kushton kopertinën vrasjes së Charlie Kirk telegrafi.com
Ndryshe, dhuna politike është intensifikuar përsëri vitet e fundit.
Në vitin 2022, një sulmues me çekiç sulmoi bashkëshortin e Kryetares së Dhomës së Përfaqësuesve Nancy Pelosi, Paul, në shtëpinë e tyre në San Francisko.
Vitin e kaluar u bënë dy atentate kundër Donald Trump.
Ndërsa këtë vit, dhuna politike është bërë edhe më e theksuar.
Rezidenca e Guvernatorit të Pensilvanisë, Josh Shapiro, u vu në zjarr.
Person i armatosur qëlloi dy ligjvënës demokratë të Minesotës dhe bashkëshortet e tyre.
Dy punonjës të ambasadës izraelite u qëlluan për vdekje jashtë Muzeut të Komunitetit Hebraik të Kryeqytetit në Uashington.
Burri që bërtiste "Palestina e Lirë" hodhi koktej molotovi në demonstratën pro-Izraelit në Boulder, Kolorado.
Një person i armatosur kundër vaksinimit hapi zjarr në selinë e Qendrave për Kontrollin dhe Parandalimin e Sëmundjeve (CDC) në Atlanta. /Telegrafi/
