Në vazhdën e publikimit të videove nga Associeted Press (AP) për këtë ditë të zgjedhjeve në qytetin e Vlorës, shihen paqeruajtësit italianë të cilët me tanke përcjellin montuesit e OSBE-së.
Po ashtu, në këtë video shihet duke votuar edhe njëri ndër kriminelët më të mëdhenj të Shqipërisë, Partizan (Zani) Çaushi, i cili ka një kohë që gjendet në burg për shkak të trazirave dhe dhunës që kishte shkaktuar në vitin 1997, por edhe viteve tjera.
Ai shkon për të votuar i veshur me “smoking” dhe duke mbajtur për dore dy fëmijë e duke u ruajtur nga njerëz të armatosur të bandave të tij.
Zani në këtë zgjedhje kandidonte për deputet të Zonës si anëtar i Partisë Social-Demokrate, aleate e Partisë Socialiste.
