Restorantet “Be Happy” të Petrol Company, garantojnë zbatim të masave kundër COVID-19

Menaxheri i të gjitha pikave të restorantit “Be Happy”, Artan Krasniqi, ka qenë sot i ftuar në një radio lokale për të folur mbi çështjen aktuale dhe respektimin e masave.

Krasniqi foli në lidhje me situatën aktuale të pandemisë dhe se sa ka ndikuar kjo gjendje te gastronomia, restorantet e tyre në këtë rast.

Ai theksoi se të gjitha pikat e “Be Happy”, po i përmbahen rregullave për mbajtjen e distancës, po dezinfektojnë ambientet çdo natë dhe tha se ka dezinfektues në çdo hapësirë.

“Në fazën e parë të pandemisë, kemi punuar vetëm për punëtorë, sepse ne si ‘Petrol Company’ kemi shumë punëtorë. I kemi paguar edhe pse s’kanë punuar, kanë punuar shumë pak. Ndërsa tash i bie të punojmë më pak, e kemi shkurtuar orarin, por jo edhe rrogat apo stafin”.

Ai njoftoi se disa ndryshime po bëhen në menu dhe se do të vazhdojnë me risi të tjera.

“Me shefat e kuzhinës jemi duke punuar që të bëjmë ndryshime në menu. Po e bëjmë edhe një ndryshim të vogël në çmime. Ne për dallim nga të tjerët nuk i kemi rritë çmimet edhe pse janë rritë ato të furnizimit”, sqaroi menaxheri i “Be Happy”, Artan Krasniqi.

Ai garantoi se gjithçka është sipas rekomandimeve të Ministrisë së Shëndetësisë, çdo gjë është e sigurt dhe se i gjithë stafi bartin maska.

Restoranti “Be Happy”, funksionon me 7 pika të cilat gjenden në pikat e “Petrol Company-s”  në Dragodan (Prishtinë), Çagllavicë në të dy anët e rrugës, Fushë-Kosovë, Gjakovë dhe në Pejë dy pika.