Reshitaj: Mungesa e sistemit informativ dhe sigurimet shëndetësore probleme esenciale në shëndetësi

Albena Reshitaj nga AAK, ka thënë se thelbi i ndryshimeve të nevojshme në shëndetësi nuk janë prekur.

Reshitaj, në “Debat Plus” me Ermal Pandurin në RTV Dukagjini, ka thënë se mungesa e sistemit informativ është një problem shumë i madh në shëndetësinë kosovare, përcjell Telegrafi.

Ajo ka thënë se sistemi informativ shëndetësorë mund të jetë shumë lehtë i implementueshëm pasur parasysh se Kosova qëndrojnë mirë në akceptimin e teknologjisë.

“Nëse shembull një person pëson një aksident komunikacione e nëse ne kemi të gjitha informacionet për të si shtypja e gjakut, grupi i gjakut, e të dhëna të tjera bazike që ne nëse nuk i kemi e deri t’i marrim këto informacione mund të na vdesë pacienti”.

Ish-ministrja e Shëndetësisë thotë se mungesa e sigurimeve shëndetësore është turp i klasës politike ndaj qytetarëve 19 viteve pas luftës.

“Secila qeveri që kalon thotë se sistemi i sigurimeve shëndetësore është duke u proceduar. është ofenduese që 18 vite pas luftës qytetarët nuk kanë sigurime shëndetësor”.

Reshitaj ka thënë se gjërat në shëndetësi për të ndryshuar në një ritëm të nevojshëm, duhet të udhëhiqen nga një qeveri e re me Ramush Haradinajn në krye./Telegrafi/