Këshilli i Mediave të Shkruara të Kosovës ka dalë sot me një qëndrimin lidhur me çështjen e reklamimit të bizneseve në media.
Në një deklaratë për media KMShK thekson se reklamimi i bizneseve në mediat kosovare është një raport kontraktual, por që nuk duhet ta kushtëzojë ose cenojë në asnjë mënyrë raportimin bazuar në kodet e etikës.
“Disa media anëtare të Këshillit të Mediave të Shkruara të Kosovës (KMShK) kanë ngritur shqetësim për mënyrën se si biznese të caktuara provojnë të kushtëzojnë raportimin për to në këmbim të reklamave, si dhe të imponojnë kushte të ndryshme për gazetarët.
Duke pasur parasysh ndjeshmërinë e raportimit në rastet që kanë të bëjnë me biznese që reklamojnë ose publikojnë shkrime të sponsorizuara në media, Këshilli i Mediave të Shkruara të Kosovës (KMShK) del me këtë”, thuhet në deklaratë.
Lexoni të plotë qëndrimin e KMShK:
Për raportimin etik të mediave karshi bizneseve
Bizneset nuk duhet dhe nuk munden të imponojnë rregulla të veta në mënyrën se si mediat duhet të raportojnë. Marrëdhënia kontraktuale e mediave me bizneset nuk duhet ta cenojë etikën në raportim.
Kontratat e reklamimit/marketingut në raport me mënyrën e raportimit duhet të funksionojnë sipas standardeve të KMShK-së dhe jo sipas standardeve që mund t’i imponojnë bizneset. Duhet të bëhet e qartë që bizneset blejnë hapësirë reklamimi, por jo edhe përmbajtje editoriale.
Raportimi etik kurrsesi nuk duhet të kushtëzohet me kontrata reklamimi. Bizneset nuk duhet të bëjnë përpjekje që të vendosin rregulla të etikës për mediat.
Mediat duhet të respektojnë kodin e etikës dhe të mos pranojnë kurrfarë kushtëzimi të bizneseve qoftë për kohën kur duhet publikuar diçka për to, qoftë për mënyrën e raportimit. Në këtë kontekst, nuk duhet përfillur kërkesa të bizneseve që cenojnë kodin, e që kanë të bëjnë me kohën që ato duhet ta kenë në dispozicion për t’iu kthyer mediave përgjigje për çështje të caktuara. Kjo formë e kushtëzimit mund të shndërrohet në marrëdhënie kontraktuale dhe nuk ka të bëjë me raportim etik.
Në shkrimet e sponsorizuara duhet të respektohet kodi dhe këto përmbajtje nuk duhet dhe nuk mund të përmbajnë lajme të rrejshme, shpifje dhe dezinformim. Bazuar në Kodin e Etikës të KMShK-së, mediat duhet ta bëjnë të qartë se çfarë është reklamë/marketing, e çfarë është përmbajtje editoriale.
Neni XII i kodit, që rregullon reklamat dhe sponsorizimin, përcakton qartë që:
– Reklamimi komercial e politik, si dhe materiali sponzorizues – përfshirë këtu edhe artikuj e shtojca – duhet të dallohen qartë nga përmbajtja editoriale dhe të identifikohen si të tilla.
– Në materialin e sponsorizuar duhet të tregohet qartë burimi i sponsorizonit.
Këshilli i Mediave të Shkruara të Kosovës (KMShK) do t’ua përcjell këtë qëndrim edhe organizatave të bizneseve, me kërkesën që ato t’ua shpërndajnë anëtarëve të vet. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Humb kontrollin e mjetit dhe bie në Lumin Lana, vdes shoferi
“Jam Taulant Balla. Më duhen urgjent 100 mijë euro”, biznesmeni në Shqipëri bie pre e mashtrimit
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
“E çela vrimën në mur, i preva tre palë tela dhe ika arave deri në Lipjan”- Arratisja e Faton Hajrizit nga Bondsteel-i dhe Burgu i Pejës
Server: Qeveria e re e Serbisë me bashkëpunëtorë të sulmit terrorist të Banjskës
Knaus "godet" sërish: Kushtëzimi i anëtarësimit të Kosovës në KiE me krijimin e Asociacionit pamundëson realizimin e të dyjave
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Konjufca i zhgënjyer me BE-në: Me padurim doni të punoni me qeverinë serbe pro-ruse, e neve nuk na hiqni masat
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City