Një azilkërkues dhe gazetar i burgosur për vite të tëra nga Australia, në një ishull në Paqësor, ka fituar çmimin më të madh të letërsisë në vend.
Behrouz Boochani, një kurd i Iranit, ka shkruar librin “Pa miq mes maleve”. Libri është dërguar me mesazhe, teksa ai ishte në burg. Libri fitoi Çmimin Viktorian për Letërsinë me vlerë 100 mijë dollarë australianë. Po ashtu, i njëjti libër ka fituar Çmimin për Librin më të mirë nga Victorian Premier’s Literary Awards, me vlerë 25 mijë dollarë australianë.
Boochani vijon të mbetet i burgosur në ishullin Manus në Papua Guinenë e Re dhe nuk i lejohet hyrja në Australi. Kjo e fundit ka politika tepër strikte kur është fjala për azilkërkuesit që mbërrijnë në brigjet e saj.
Vetë Boochani thotë se ky çmim i ka krijuar një pështjellim ndjesish.
“Në njëfarë mënyre jam i lumtur sepse ia dola të kem vëmendje dhe shumë njerëz janë ndërgjegjësuar për situatën time. Kjo është gjë e mirë. Por nga ana tjetër më duket sikur nuk kam arsye të festoj, pasi kam shumë miq që vuajnë në këtë vend me mua”, thotë ai për BBC.
Libri është shkruar gjatë kohës që Boochani ndodhej në burg dhe i është dërguar nëpërmjet Whatsapp-it përkthyesit të tij, Omid Tofighian.
“WhatsApp është si zyra ime”, tha ai. “Unë nuk shkruaja në letër, sepse në atë kohë rojet çdo javë ose çdo muaj do të kontrollonin dhomën. Unë isha i shqetësuar që mund të humbisja shkrimet e mia, kështu që ishte më mirë për mua ta dërgoja atë që shkruaja”.
Boochani u arrestua së pari në vitin 2013, pasi mbërriti me varkë nga Azia Juglindore. Ai është bërë zëri më i njohur brenda sistemit australian të ndalimit jashtë kufijve të Australisë. /TemA TV/
Promo
Reklamo këtuLufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City