RDK: Prokuria Speciale Publike duhet mbështetur me çdo kusht

Rilindja Demokratike Kombëtare me një komunikatë të drejtuar Telegrafit në Maqedoni ka shprehur mbështetjen për Prokurinë Speciale Publike të Maqedonisë.

Në komunikatën e RDK-së në mes tjerash thuhet ”Vendimi i fundit i presidentit të shtetit për falje të përgjithëshme për të gjith politikanët dhe bashkëpuntorët e korruptuar që dolën, dhe që pritet të dalin nga puna e prokurorisë speciale, është tentim i hapur për shpërbërrjen e këtij institucioni të rëndësishëm për rikthimin e sundimit të ligjit. Tentimi për shpërbërrjen e prokurorisë speciale është tentim i fundit i forcave destruktive mbrenda shtetit për të vazhduar edhe më tutje me sjelljen destruktive të shkatërrimit të shtetit me të vetmin qëllim mbijetesës personale të këtyre forcave. Për këtë arsye, kërkohet mobilizim i jashtëzakonshëm të forcave progresive në vend dhe jasht saj, në mbrotje të prokurorisë speciale si institucion i fundit dhe i vetëm që lufton për rikthimin e vlerave demokratike në vend kundrejt gjith rrymave destruktive mbrenda institucioneve të shtetit, që kanë shkatërruar gjithçka që nënkupton shtet ligjor dhe demokratik. Në këtë drejtim, Rilindja Demokratike Kombëtare do të përkrahi fuqishëm, edhe me protesta konkrete, funksionimin normal të prokurorisë speciale kundër gjith atyre që tentojnë me çdo kusht të shpërbëjnë këtë institucion të rëndësishëm për funksionimin normal të shtetit në përgjithësi.” thonë nga RDK./Telegrafi/