Rastet kur këngëtarët shqiptarë kënduan të njëjtën frazë në më shumë se një këngë

Këngët moderne po marrin gjithmonë e më shumë një kahje tjetër.

Nëse vite më parë këngëtarët fokusoheshin në një këngë të bukur dhe me tekst domethënës, tashmë gjërat nuk janë kështu.

Në modë janë tekstet me fjalë të ri-përsëritura që shpesh mund t’i dëgjojmë në disa këngë, të kënduara nga i njëjti artist.

Lexo po ashtu Të gjitha lajmet nga Estrada Shqiptare

Ata pretendojnë që duke kënduar shpesh me të njëjtën fjalë në dy këngë, mund të identifikohen me atë fjalë.

Telegrafi ju sjell në vazhdim disa prej rasteve, kur artistët shqiptarë ri-përsëritën disa herë të njëjtën frazë në më shumë se një këngë.

2po2: “Thuj mirëdita djelit t’keq”

Në vitin 2011, reperi i njohur 2po2 kishte publikuar këngën “Thuj mirëdia djalit t’keq”, këngë kjo e cila ishte pëlqyer shumë në atë kohë, kjo edhe për faktin se në këtë këngë reperi e cilësonte veten si një “djalë të keq”.

E kjo frazë u përsërit sërish më pas në këngën “Beso”, në bashkëpunim me artisten Elvana. Në këtë këngë, ai dëgjohet duke thënë “Thuj mirëdita djalit t’keq edhe nihere”, me ç’rast duket sikur i ka bërë vazhdimësi këngës së parë me këtë titull.

Nora Istrefi: “Nora nuk është njësoj”.

Mbetemi tek viti 2011 kur këngëtarja Nora Istrefi kishte sjellë për fansat e saj këngën “Nora nuk është njësoj”. Me këtë frazë, ajo i ishte drejtuar një ndryshimi të ri të bërë në stilin e saj si artiste.

Të njëjtën shprehje Nora e përsërit në vitin 2014, në bashkëpunimin me titull “Na” kënduar me këngëtaren Mimoza Shkodra dhe reperin Skivi. Në repturën e Norës, këngëtarja dëgjohet duke thënë: “Lekët e mia i harxhoj, se Nora nuk është njësoj”, në njëfarë mënyre, e njëjta frazë e ripërsëritur nga kënga e parë.

Babastars: Vet jam dhe dostat i kam ‘High’

Edhe në këngët “High I” dhe “High II” të kënduara nga labeli Babastars gjejmë fraza të njëjta tekstesh. Në “High I” mund të dëgjosh tërë grupin teksa thonë: “Dostat unë i kam ,edhe vet jam ‘High'”.

Ndërsa në fillimin e këngës “High II”, reperi Getoar Selimi e nis duke thënë: “Vet jam, edhe dostat i kam, edhe krejt jena shumë “High'”, pra e njëjya fjali, por me ndërrim fjalësh.

2 Ton: “Pikë”

Në vitin 2014, reperi i njohur nga Ferizaji, 2 Ton, publikoi këngën “Pikë”, një titull që jo shpesh herë e dëgjojmë në këngët e reperëve të estradës.

Një fjalë e tillë do të ripërsëritej sërish në vitin 2016, kur reperi do të publikonte këngën “Mu kujtove dje”, në një nga frazat e së cilës thekson: “Për ty ka qenë fjalë kur kam thënë që ma ke lënë pikë“. Të dyja këto projekte janë pëlqyer shumë nga fansat e tij.

Argjentina Ramosaj: “Deja Vu”

Këngëtarja Argjentina Ramosaj kishte publikuar në vitin 2014 një bashkëpunim me reperen Gjira, një këngë të titulluar “Deja vu”. Kjo fjalë përsëritej vazhdimisht gjatë këngës.

E ndërsa këtë vit, Ramosaj publikoi këngën “Pa ty” në bashkëpunim me Seven Saraqin, ku sërish të njëjtën fjalë do ta citonte në një nga repturat e këngës, duke u shprehur: “Nata nuk është shty tu mendu që s’është njëjtë Deja Vu“. Ky bashkëpunim ishte pa diskutim një nga më të suksesshmit e vitit. /Telegrafi/

https://www.youtube.com/watch?v=CSMgPq2JakQ