Rashiti tregon cilat drejtori i takojnë PDK-së në Gjilan

Tashmë Vetëvendosje dhe Partia Demokratike e Kosovës kanë arritur marrëveshje për koalicion qeverisë në Gjilan.

Pozita e nënkryetarit të komunës dhe katër drejtori i takojnë Partisë Demokratike të Kosovës.

Drejtoria për buxhet dhe financa, Drejtoria për zhvillim ekonomik, Drejtoria për bujqësi dhe ajo e Shëndetësisë janë katër drejtoritë që do të udhëhiqen nga PDK përgjatë katër viteve të ardhshme.

Kështu bëri të ditur për KosovaPress, ushtruesi i detyrës së kryetarit të degës së Partisë Demokratike të Kosovës në Gjilan, Riad Rashiti.

“Pozitën e kryesuesit i takon Vetëvendosjes, ndërsa pozitën e nënkryetarit na takon neve si PDK, por ende nuk kemi vendosur emrin. Kemi ehe katër drejtori prej 12 sa janë. Kemi marrë drejtorinë për Buxhet dhe financa. Për Zhvillime Ekonomik, Bujqësisë dhe Shëndetësisë”, tregoi Rashiti për KosovaPress.

Për këtë marrëveshje ka folur për KosovaPress edhe Ismajl Kurteshi nga Vetëvendosje.

Sot në ora 15:00, do të mbahet mbledhja urgjente e thirrur për zgjedhjen e kryesuesit të Kuvendin Komunal në Gjilan. Në raundin e dytë të zgjedhjeve të mbajtura me 14 nëntorit, Alban Hyseni ka marrë votat e mjaftueshme për të udhëhequr me këtë komunë, por jo të zgjedhë kryesuesin e vetme pa partitë tjera.