LAJMI I FUNDIT:

Rashiq thotë se në Samitin e Parisit do të ketë një marrëveshje mes Kosovës dhe Serbisë (Video)

Rashiq thotë se në Samitin e Parisit do të ketë një marrëveshje mes Kosovës dhe Serbisë (Video)

Kryetari i Partisë Progresiste Demokratike, Nenad Rashiq në një intervistë për emisionin “Përballje” me gazetarin Muhamet Hajrullahu, ka folur rreth Samitit të Berlinit, i cili është mbajtur më 29 prill, si dhe për Samitin e radhës, i cili do të mbahet në kryeqytetin e Francës, Paris.

Rashiq deklaroi se në Samitin e Berlinit është konfirmuar qëndrimi i shteti gjerman kundër ndryshimit të kufijve.

“Takimi nuk ka qenë teknikisht serioz, ka qenë një rritje e problemit ose e vëmendjes së bisedave në nivel më të lartë. Gjermania është kundër ndarjes dhe korrigjimit të kufirit. Konsideroj që ka rënë poshtë ideja e korrigjimit të kufirit”, është shprehur Rashiq.

Nenad Rashiq gjatë intervistës për emisionin “Përballje” që transmetohet në RTV Dukagjini e Telegrafi.com

Mes tjerash, Rashiq ka thënë se ideja e presidentit të Kosovës, Hashim Thaçi për korrigjimin e kufijve ka qenë vetëm për përdorim të brendshëm, dhe se nuk mund të realizohet.

“Ideja e presidentit Thaçi ka qenë vetëm sa për të manipuluar me njerëzit e Kosovës. Pas takimit të Berlinit është e qartë se nuk do të ketë diçka të tillë”, ka theksuar ai.

Rashiq thotë se pas mbajtjes së Samitit të Berlinit e deri në Samitin e Parisit do të shtohet intensiteti i takimeve mes Kosovës dhe Serbisë.

“Do të shtohet intensiteti i takimeve, në Samitin e Parisit do të ketë diçka zyrtarisht, që do të quhet si marrëveshje në parim. Por, nuk e di se çfarë marrëveshje do të jetë”, tha ai.

Rashiq deklaroi se asnjëra palë as ajo e Kosovës dhe as e Serbisë nuk po tregojnë asgjë, dhe se çdo iniciativë që është e fshehur në një moment do të kontestohet ligjshmëria e saj.

Ai ka thënë se gjatë qershorit do të ketë shtim të takimeve para datës 1 korrik kur në Francë do të mbahet takimi i radhës i ftuar kësaj radhe nga presidenti i Francës Emmanuel Macronn./Telegrafi/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Lajme
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Lajme
Limaj: Nuk duhet të shkojmë në zgjedhje kur dëshiron Kurti

Limaj: Nuk duhet të shkojmë në zgjedhje kur dëshiron Kurti

Siguri
Kalo në kategori