Ramë Lahaj për vdekjen e regjisores Berisha: Faleminderit për gjithçka që i ke dhënë vendit tonë të stërvuajtur

Ditën e djeshme (e enjte) u nda nga jeta regjisorja e njohur shqiptare, Vjosa Berisha.

Ajo ndërroi jetë në moshën 49-vjeçare, gjersa ishte e diagnostikuar me kancer në vezore prej më shumë se një vit.

Vdekja e saj ka lënë të pikëlluar të gjithë, e posaçërisht ata që e njohën artisten nga afër.

Një reagim së fundmi për vdekjen e Berishës e ka bërë edhe tenori shqiptar me famë botërore, Ramë Lahaj.

Lexo po ashtu Presidentja Osmani ngushëllon familjen për ndarjen nga jeta të producentes, Vjosa Berisha

Ai thotë se nga regjisorja ka mësuar shumëçka, të gjitha mënyrat e jetës e po ashtu e ka falënderuar edhe për kontributin që ka dhënë në vend.

Postimi i plotë i Lahajt (pa ndërhyrje):

“Tek ti Vjosa, kemi pa e mësu shumë çka! Kam pa se si duhet jeta. Kam pa se si luftohet për te. Kam pa se si shijohet ajo.

Kam pa seriozitetin e profesionalizmin në punë. Tek ti e kam pa femrën shqiptare që vlon nga pasioni për të i’a dëshmu shoqërisë, e botës që, po, ne jemi femrat shqiptare, të zgjuara, pasionante, seksi, të mira në biznes e në kulturë, nëna të përkushtuara, funny, cool, që çdo i ri do ta donte një nanë si ty.

Nanën model e unike! Vjosa, ti je lum që nuk shteron kurr! Ti je me ne në çdo film, koncert e aktivitet kulturor dhe jo vetëm.

Ti je me ne në Fitness, në Pub, në skenë… Gjithandej, si Vjosa që nuk shteron kurr! U prehsh në paqe e falëmnderit për gjithçka që i ke dhënë vendit tonë të stërvuajtun!”. /Telegrafi/