Rama i reagon Thaçit e Mustafës për Mini-Schengenin Ballkanik

Kryeministri i Shqipërisë, Edi Rama, ka folur në kuadër të të ashtuquajturit Mini-Schengeni Ballkanik, pas takimit me liderët e Ballkanit Perëndimor në Samitin e Ohrit.

Rama tha se Kosova s’ka arsye të vetë-përjashtohet nga kjo iniciativë.

“Nuk është ideja ta ndajmë Ballkanin Perëndimor, por të përfshijmë të gjitha vendet në këtë nismë. E gjitha kjo gjë ka në thelb lëvizjen e lirë të vendeve në Ballkanin Perëndimor”, u shpreh ai.

Më tej shtoi se palët u pajtuan që me 21 dhjetor të zhvillohet mbledhjen e radhës në Durrës.

“Herës tjetër i pranishëm edhe pasuesi i Mogherinit, si vazhdimësi e një rruge të nisur. Në Durrës mirëpresim edhe Malin e Zi, Bosnje-Hercegovinën dhe Kosovën. Nuk ka arsye që Kosova papritur të vetë-përjashtohet. Besoj se heqja e kufirit mes vendeve të Ballkanit Perëndimor nuk është mini-shengeni. E konsideroj me rëndësi të veçantë këtë nismë mes vendeve”, u shpreh Rama.

Lexo po ashtu Çfarë përfshin marrëveshja e dakorduar mes Zaev, Ramës dhe Vuçiqit?

“Besoj se paqja është e ndërlikuar, por është proces që ia vlen. E kam predikuar bashkëpunimin rajonal që ditën e parë që jam bërë kryeministër. Sa më mirë të jetojnë njerëzit, aq më shumë gjasa ka të zgjidhen problemet e së shkuarës. Kosova është e mirëpritur në mbledhjen e radhës”, deklaroi kryeministri i Shqipërisë.

Ai ka folur edhe për mos pjesëmarrjen e presidentit Hashim Thaçi në Samitin e Ohrit, pasi ky fundit tha se kjo iniciativë rajonale është e pakuptimtë për aq kohë sa Serbia dhe Bosnja dhe Hercegovina nuk e njohin pavarësinë e Kosovës.’

Lexo po ashtu Mustafa kundër Mini-Schengenit Ballkanik - çon në një Jugosllavi të re

Rama ia ka numëruar  Thaçit të gjitha samitet e Ballkanit Perëndimor ku ka marrë pjesë bashkë me liderë tjerë të Ballkanit Perëndimor përfshirë edhe ata serbë.

“Me sa më kujtohet as atëherë Serbia nuk e ka njohur Kosovën”, ka thumbuar Rama Thaçin duke akuzuar se pala kosovare përjashtoi veten nga kjo nismë rajonale duke e kthyer situatën në kohet kur Serbia dhe Bosnja nuk pranonin të uleshin me përfaqësues nga Kosova në forume rajonale.

Rama ka komentuar edhe deklarimin e fundit të kreut të LDK-së, Isa Mustafa, pasi tha se Mini-Schengeni Ballkanik – çon në një Jugosllavi të re.

Lexo po ashtu Thaçi tregon arsyet e mospjesëmarrjes në Samitin e Ohrit, ku po marrin pjesë Zaev, Rama e Vuçiq

“Kush fol për Jugosllavi mbase ka jetuar shumë gjatë në Jugosllavi, unë nuk kam jetuar as një ditë në Jugosllavi, dhe kush flet për lindjen e Jugosllavisë mase është ende i lidhur për kujtimet e Jugosllavisë, unë nuk kam asnjë kujtim nga Jugosllavia dhe kush flet për Shqipërinë e madhe dhe unë i flas për heqje të kufirit në mes të Shqipërisë dhe Kosovës tani duhet të heshtë nuk ka mundësi që të jem mini Jugosllav dhe Shqiptaro madh unë jam një qytetar evropian” , ka thëmë Rama

Po ashtu edhe ish-kryeministri i Shqipërisë, Sali Berisha i ka reaguar ashpër kryeministrit Edi Rama.

Berisha ka thënë se ky takim është një sukses për Vuçiq, i cili me ndihmën e Ramës po kërkon të krijojë Serbinë e Madhe. /Telegrafi/