Qytetarët në veri të Kosovës nuk janë të interesuar që të blejnë produkte ushqimore në pikat shitëse të ngritura nga Qeveria e Kosovës.

Koordinatori në Ministrinë e Tregtisë dhe Industrisë, Gazmend Hoti, ka deklaruar se interesimi i qytetarëve për të bërë blerje në këto pika është shumë i vogël.

“Ky veprim i Ministrisë së Tregtisë dhe Industrisë, është ndërmarrë për t’iu siguruar ushqim qytetarëve në veri, dje ka pasur pak shitje por jo kënaqshëm, çmimet janë të njëjta”, ka thënë Hoti për Radio Evropën e Lirë.

Haradinaj: Përmes "krizës humanitare" në veri, Serbia po mundohet ta heq taksën që nuk kanë mundur Trump, Merkel e Macron Haradinaj: Përmes "krizës humanitare" në veri, Serbia po mundohet ta heq taksën që nuk kanë mundur Trump, Merkel e Macron

Kurse në anën tjetër qytetari serb Stefan Lazareviq, ka deklaruar se ka ushqim vetëm edhe për një javë.

Reklama

“Kam vetëm edhe një litër vaj, patate 2 kilogramë, pak fasule, oriz kjo është e gjitha. Vetëm edhe për një jave kam ushqim, jo më shumë. Kam rezerva vetëm për një javë”, tha ai.

Reklama

Serbët në veri kanë mbyllur të gjitha dyqanet në shenjë pakënaqësi ndaj taksës.

Serbia thotë se për shkak të taksës 100 për qind, serbët në veri po hyjnë në një krizë humanitare, ndërsa nga Qeveria e Kosovës kanë deklaruar se kjo është inskenim i Beogradit.

Mbyllja e dyqaneve është paralajmëruar për 1 dhe 2 korrik, ndërsa nuk kanë njoftuar se si do të veprojnë ditët në vazhdim./rel/Telegrafi/

Reklama