Beteja e qytetarëve dhe e Asamblesë Komunale të Klinës për kundërshtimin e fabrikës së çimentos në Dollc ka marr një epilog edhe nga Gjykata e Themelore e Prishtinës.
Aktvendimi i Gjykatës i jep të drejtë vendimit të Asamblesë Komunale për kundërshtimin e ndërtimit të fabrikës së çimentos nga “Wallingford International Kosova”. Këtë vendim, e kanë prezantuar në një konferencë për media Shoqata për Ruajtjen dhe Mbrojtjen e Ambientit në Klinë.
Udhëheqësi i banorëve që po e kundërshtojnë fabrikën, Veton Raci theksoi se Gjykata i ka dhënë të drejtë Asamblesë Komunale që të anulohen të gjitha pëlqimet dhe dokumentet tjera urbanistike të cilat janë dhënë lidhur me guroret për furnizim me lëndë të parë për fabrikat e çimentos në Klinë.
“Aktvendimi i Gjykatës i jep të drejtë vendimit të Asamblesë Komunale në Klinë dhe i bie praktikisht që vendimi i kësaj asambleje është i plotfuqishëm dhe është obligues për komunën që të zbatohet. Ky vendim i asamblesë vlen të theksohet: anulohen të gjitha pëlqimet dhe dokumentet tjera urbanistike të cilat janë dhënë lidhur me guror për furnizim me lëndë të parë për fabrikat e çimentos. Po ashtu, obligohet Drejtoria e Urbanizimit dhe Mbrojtjes së Mjedisit që paraprakisht pas pranimit të kërkesave dhe draft dokumenteve urbanistike sipas këtij vendimi t’i drejtohet kuvendit komunal”, tha Raci.
“Pezullimi hynë në fuqi pas gjashtë muajve mes operatorit sipas lejeve të veçanta për operim të pëlqimeve mjedisore. Ky vendim rregullon edhe çështjen e operimit të gurthyesve, që parasheh zbatimin rigoroz të rregullave për operimin e tyre. Nga Drejtoria e Urbanizimit dhe Mbrojtjes së Mjedisit obligohet që t’i anulojë të gjitha pëlqimet për guroret dhe lëndës së parë për fabrikat e çimentos si në pikën 1 dhe 2 të këtij vendimi. Tani ky vendim është i plotfuqishëm dhe presim zbatimin e tij nga pushteti lokal në Klinë”, shtoi ai.
Për më tepër, ai ka kërkuar që pezullimi të shndërrohet në vendim për anulimin e pëlqimit mjedisor.
Po ashtu, Raci ka kërkuar nga kryetari i Komunës së Klinës të shkarkojë Lorenc Marlekaj dhe drejtorin aktual të Urbanizmit, Enver Berisha, i cili ka nxjerr vendim për lëshimin e lejes për ndërtimin e fabrikës së çimentos.
“Pas këtij vendimi të Gjykatës Themelore në Prishtinë, ne nuk do të ndalemi me kaq, do të drejtohemi me dy kërkesa fillimisht, njëra për nivelin qendror kurse tjetra për nivelin lokal në Klinë. Nga ministria e Mjedisit, Planifikimit Hapësinor dhe Infrastrukturë do të kërkojmë që Vendimi me numër 2804/22 për pezullim të pëlqimit mjedisor për kompaninë Wallingford International Kosova të shndërrohet nga pezullimi në vendim, meqenëse ky pezullim ka qenë i lidhur me aktvendimin e gjykatës, tani që aktvendimi i Gjykatës Themelore në Prishtinë i ka dhënë të drejtë qytetarëve dhe hedhur poshtë padinë e Ministrinë e Pushtetit Lokal”, potencon Raci.
“Kërkojmë që pezullimi të shndërrohet në vendim për anulimin e pëlqimit mjedisor për kompaninë. Po ashtu, nga niveli komunal kërkojmë që me marrjen e këtij vendimi të Gjykatës Themelore në Prishtinë, kryetari i komunës të nxjerr vendim për shkarkimin e drejtorit Lorenc Marlekaj si dhe shkarkimin e drejtorit aktual të Urbanizmit, Enver Berisha i cili kishte nxjerr vendim për lëshimin e lejes për ndërtimin e fabrikës së çimentos”, u shpreh ai.
Sipas Racit, qytetarët tri vjet më parë i kanë diktuar parregullsitë për dhënien e pëlqimeve mjedisore nga institucionet për kompaninë e çimentos.
“Nga fillimi qytetarët e organizuar për kundërshtimin e ndërtimit të fabrikës së çimentos kishin diktuar shumë hile dhe parregullsi përgjatë pajisjes së operatorit me dokumentacion. Në saje të këtyre parregullsive dhe shkeljes së procedurave për pajisje me dokumentacion për operatorin, ne kemi organizuar disa aktivitete për të kundërshtuar ndërtimin e fillimit të punimeve për ndërtimin e fabrikës së çimentos”, pohon Raci.
Në fund, ai theksoi se peticioni i qytetarëve të Klinës kundër ndërtimit të kësaj fabrikë ka mbërritur deri në 3,000, si dhe kanë përkrahje edhe nga komunat e tjera të cilat janë shqetësuar nga ndotja e ambientit. /KP/
Lufta Prigozhin - Putin
Më shumëFlorin Krasniqi kërkon mbi 28 milionë euro dëmshpërblim nga Mali i Zi
"Më mirë se vendi ynë nuk ka", rrëfimi i Fitim Maliqit që posedon mbi 10 mijë zogj të pulave
Eksploro natyrën me veshjet e stilit taktik të Melodia Px
Evapify - Pasagjeri yt i përhershëm
Telegrafi Jobs, busulla jote për karrierë
Gjiganti zviceran “Lika Group” synon ta zbukurojë Prishtinën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë