Qorrolli: Dikush 15 mijë e dikush 60 mijë veteranë, kjo është tallje me shtetin

Kanë vazhduar debatet rreth listës së veteranëve të  rremë të UÇK-së, të cilës i janë shtuar edhe emrat e veteranëve të vërtetë.

Analisti Vigan Qorrolli tha se në momentin kur shefi i shtetit flet për korrigjim të kufijve dhe tjetri ish-Komandati i Shtabit të Përgjithshëm të UÇK-së, thotë se ka pasë 15 mijë veteranë, tjetri 12 mijë e tjetri 13 mijë po del një komandant i një zone ndër ma të mdhaja në vend që aktualisht është kryeministr thotë se i ka 60 mijë.

“Kjo është tallje edhe me shtetin në radhë të parë është humor me shoqërinë dhe e polarizon shoqërinë”, tha Qorrolli në RTV21.

Sipas Qorrollit, problemt e brendshme bartën në arenën ndërkombëtare  duke thënë se po e shohim se sa joserioz jemi në ndërtim të shtetit dhe në ndërtim të elitave.

“Shumica e njerëzve janë reciklu në politikanë dhe një pjesë e tyre që kanë dështu në politikë janë bërë ose biznesmenë, që kanë fitu prej politikës, ose oligarkë financiar. E një pjesë e tyre janë bërë pseudoakademikë, me diploma të kontestueshme”, tha analisti Vigan Qorrolli.