Pas vërshimeve në Suharekë dhe dëmeve të shkaktuara nga reshjet e së mërkurës Qendra e biznese në Suharekë ka ndihmuar me 5000 euro familjet prekura nga kjo fatkeqësi natyrore. Lajmin për përkrahjen e familjeve të prekura e ka bërë kryetari i kësaj qendre si dhe pronari i kompanisë “Frutex”, Shaqir Palushi në profilin e tij, Facebook.

Postimi i plotë i Shaqir Palushi

Qendra e Bizneseve në Suharekë Ndihmon me 5000 e Familjeve të prekura nga vërshimet

Si rezultat i reshjeve të mëdha të shiut nga uji janë vërshuar shumë shtëpi e biznese në qytet dhe fshatra. Qytetaret janë përballur me një natë rëndë duke pësuar shumë dëmtime materiale nga këto vërshime. Me qëllim që sa do pak ti dalin në ndihmë familjeve të prekura nga vërshimet, kryetari i Qendrës së Bizneseve në Suharekë Shaqir Palushi, ka thirru mbledhjen e bordit. Nga takimi i sotëm është vendosur që nga fondi i saj të ndahen 2500 euro. Po ashtu edhe disa kompani, anëtarë të kësaj qendre, nga buxheti i tyre kanë nda mjete për familjaret në nevojë. Kompania Frutex ka nda 1000 euro, Graniti 500 euro, Solid 500 euro, Vllesa 200 euro, Muqa Solar 100 euro, Frigoterm 100 euro dhe Agronomi 100 euro. Nga ky aksion janë mbledhur 5000 euro, të cilat do të shkojnë te familjet e prekura nga vërshimet. Qendra e Biznesit i bënë thirrje edhe bizneset tjera qe ta mbështesin këtë aksion. /Telegrafi/