Punonjësi shëndetësor ka bërë shkelje në rastin e pacientes nga Struga e cila ndërroi jetë nga coronavirusi

Ka pasur shkelje në rastin e vdekjes së struganes nga coronavirusi, edhe pse ka pasur udhëzim nga mjeku amë nuk është pranuar në spitalin e Ohrit, tha sot Irinka Sotirova-Bukova, drejtore e Inspektoratit Shtetëror Sanitar dhe Shëndetësor.

Mbikëqyrja e jashtëzakonshme në spitalin që filloi dje ende po vazhdon, ndërsa raporti i plotë pritet të jetë gati deri në fund të ditës.

“Nga informacionet që kam marrë deri më tani, do të konfirmoj që, po, është konstatuar shkelje në lidhje me mosdhënien ndihmës mjekësore për një pacient që ka kërkuar kujdes shëndetësor. Ka të bëjë me një punonjës të kujdesit shëndetësor i cili ishte në detyrë në kohën kur pacienti ishte dërguar në kontroll. Është i saktë informacioni që mjeku amë i ka dhënë udhëzim për 25 e këtij muaji”, tha Sotirova-Bukova.

Në njësia e sëmundjeve infektive në spitalin e Ohrit punojnë tre specialistë dhe dy specialitete si kuadër i lartë mjekësor, mjekë dhe disa infermierë.

“Përgjegjësia që ata do të kenë dhe do të konfirmohet më tej nga ISHSSH sipas neneve që mundësohen nga Ligji për Mbrojtje Shëndetësore”, paralajmëroi drejtoresha, Sotirova-Bukova./Telegrafi/