Lajmet e rreme tashmë janë bërë mjaft të pranishme dhe thuajse për secilën figurë publike.
Derisa këngëtari Ermal Fejzullahu nuk ishte i pari që ka rënë pre e këtyre lajmeve, një i tillë është bërë edhe për shëndetin e tij.
U publikua kinse ai ka pësuar një sulm të rëndë, gjersa ka bërë të ketë edhe një reagim nga artisti.
Ermal Fejzullahu (Foto: Instagram)
Fejzullahu në një postim të publikuar në rrjete sociale theksoi se është në gjendje të mirë shëndetësore dhe se nuk ka ndonjë problem.
“Nuk e di si nuk iu vjen turp portaleve të tilla. Turpi i botës. Jam shëndoshë e mirë faleminderit Zotit dhe nuk kam asnjë problem me shëndetin. Kjo është turp”, ka shkruar ai.
Më herët, lajme kësisoj u bënë edhe për këngëtarin Nysret Muqiqi e Teuta Selimin.
Ermali nga ana tjetër po vazhdon të jetë shumë aktiv me mbrëmje e koncerte. /Telegrafi/
