Publikohet fotografia e parë e krijuar me sensorin e ri të kamerës 200MP

Fotografia është bërë me një telefon të ri Motorola dhe kamerën më të fundit 200MP të Samsung.

Në shtator të vitit të kaluar, Samsung zbuloi një sensor 200MP ISOCELL HP1 të kamerës, i cili do të gjendet në telefonin më të fundit premium të Motorola, i cili pritet të zbulohet në fund të këtij muaji.

Ne e dimë se telefoni do të ketë një sistem kamerash të trefishtë, ku spikat sensori kryesor 200MP Samsung ISOCELL HP1.

First 200 MP camera sample from Moto Edge 30 Ultra emerges https://t.co/u0SSlz5ZuW

— ultimatepocket (@ultimatepocket1) July 14, 2022

Tani, Chen Jin, menaxheri i përgjithshëm i divizionit të Motorola në Kinë, ka publikuar foton e parë të krijuar nga pajisja.

Fotografia është krijuar në rezolucion 50 MP, duke përdorur teknologjinë “4-në-1 pixel binning”, të cilën sensori i lartpërmendur e zbaton. Sipas zyrtarëve të Motorola-s, ndarja e pikselëve 4-në-1 është më e mirë se ajo 9-në-1 që mbështetet në telefonat 108MP.

Motorola Edge 30 Ultra (Edge X30 Pro në Kinë) do të krijojë fotografi 50 MP si parazgjedhje. Fotoja e mostrës është 13 MB në madhësi, kështu që shpresojmë se telefoni premium i ardhshëm do të ketë hapësirë të mjaftueshme ruajtëse për të ruajtur të gjitha fotot e bukura që do të jetë në gjendje të krijojë. /Telegrafi/